QR Premer-Mınıstri K. Másimov shahmattan álemniń tórt dúrkin chempıonyn quttyqtady
TANA. 28 qarasha. QazAqparat /Jasulan Amanbaıuly/ - Qazaqstandyq shahmatshy Jansaıa Ábdimálik Brazılııada ótken shahmat týrnırinde altyn medal jeńip alyp, álemniń tórt dúrkin chempıony atandy. Bul týraly týrnırdyń resmı saıtynda habarlady.
12 jasqa deıingi oıynshylardyń arasynda synǵa túsken J. Ábdimálik 9 týrdyń 8-in utty.
QR Premer-Mınıstri Kárim Másimov tórt dúrkin álem chempıonyn óziniń Twitter-degi mıkroblogy arqyly quttyqtap úlgerdi. «Jansaıa Ábdimálikti Brazılııadaǵy shahmat týrnırindegi altyn medalimen quttyqtaımyn», - dep jazady Úkimet basshysy áleýmettik jelide.
Jalpy Qazaqstan quramasy bul týrnırde 2 altyn jáne bir qola medaldy qanjyǵaǵa baılap, jalpykomandalyq ekinshi orynǵa ıe boldy. Quramanyń sapynan Bıbisara Asaýbaeva 8 jasqa deıingi shahmatshylardyń ishinde úzdik atanyp, bizdiń esebimizdi taǵy bir altynmen toltyrdy. Chempıonattyń qola medali 16 jasqa deıingi toptaǵy Álibek Igembergenovke buıyrdy.
