QR Premer-Mınıstri ınvestıtsııalyq keńesti basqarady
ASTANA. QazAqparat - QR Premer-Mınıstri Kárim Másimov ınvestıtsııalyq keńesti basqarady. Bul týraly búgin Úkimet otyrysynda QR Investıtsııalar jáne damý mınıstri Áset Isekeshev málim etti.
«Prezıdenttiń tapsyrmalaryn esepke ala otyryp, biz qazirgi kezde QR Syrtqy ister mınıstrligimen ınvestorlardy tartý boıynsha jumystardy jandandyrý usynysyn daıarlaýdamyz. QR Premer-Mınıstriniń basshylyǵymen ınvestıtsııalyq keńes qurylýda, sonymen qatar oǵan halyqaralyq keńesshiler men iri halyqaralyq bankter qatyspaq. Olar iri jobalar boıynsha sheshimder qabyldap, barsha álemdegi ózderiniń ókildikteriniń keń aýqymdaǵy jelileri arqyly transulttyq kompanııalardy tartýǵa kómektesedi»,-dedi mınıstr.
Onyń sózine qaraǵanda, árbir óńirde ınvestıtsııalyq klımatty qurý qajet. Osy oraıda barsha jobalardyń únemi monıtorıngin júrgizý nazarǵa alynady.
Sonymen qatar Á. Isekeshev 2016 jyldan bastap ınvestorlar úshin «jalǵyz tereze» qaǵıdaty iske qosylatynyn atap ótti. Investıtsııalyq jobalardy júzege asyrýǵa qajetti barsha ruqsatnamalyq qujattar «jalǵyz terezeden» beriledi.
