QR Premer-Mınıstri Gonkong ákimshiliginiń basshysymen kezdesý ótkizdi
ASTANA. QazAqparat - 12 jeltoqsanda Qazaqstan Respýblıkasy Premer-Mınıstri Kárim Másimov Qytaı Halyq Respýblıkasyna resmı sapary aıasynda SAR Sıanganǵa (Gonkong) keldi.
Sapar barysynda K.Másimov Gonkong ákimshiliginiń Basshysy Lıan Chjenınmen kezdesý ótkizdi. Taraptar ózara tıimdi saýda-ekonomıkalyq jáne ınvestıtsııalyq yntymaqtastyqty damytý perspektıvalaryn talqylady, dep habarlaıdy primeminister.kz.
Sondaı-aq, K.Másimov pen L.Chjenın taýar aınalymyn arttyrýǵa zor áleýettiń baryn aıtyp ótip, kóp jaqty seriktestikti odan ári tereńdetýge kelisti.
K.Másimovtiń Gonkongtyń iri kompanııalar ókilderimen kezdesýinde eki jaqty iskerlik baılanystardy keńeıtý múmkindikteri talqylandy.
Budan ózge, sol kúni Úkimet basshysy Gonkongtyń ǵylymı-tehnologııalyq parkiniń qyzmetimen tanysty.
