QR Premer-Mınıstri eýropalyq bıznes seriktesterdi aýyl sharýashylyǵy salasyndaǵy birlesken jobalardy júzege asyrýǵa shaqyrdy
ASTANA. QazAqparat - 14 sáýirde Úkimet Úıinde QR Premer-Mınıstri Kárim Másimov pen aýyl sharýashylyǵy máseleleri jónindegi Eýropalyq komıssar Fıl Hogannyń kezdesýi ótti. Bul týraly primeminister.kz habarlady.
Kelissózder barysynda taraptar qazaqstandyq-eýropalyq saýda-ınvestıtsııalyq, onyń ishinde agroónerkásip kesheni salasyndaǵy yntymaqtastyqtyń aǵymdaǵy jaǵdaıyn jáne ony tereńdetý perspektıvalaryn talqylady.
K.Másimov pen F.Hogan 2015 jyldyń jeltoqsanynda qol qoıylǵan Qazaqstan men Eýropalyq odaq arasyndaǵy seriktestik pen yntymaqtastyqty keńeıtý týraly Kelisimdi júzege asyrýdyń mańyzdylyǵyn atap ótip, eki jaqty qatynastardy damytý qarqyndaryna qanaǵattanatyndyqtaryn bildirdi.
Premer-Mınıstr elimizde qolaıly ınvestıtsııalyq ahýal qalyptastyrýǵa basa kóńil bólinetinin aıtyp ótip, eýropalyq bıznes seriktesterdi ozyq tehnologııalardy qoldana otyryp, aýyl sharýashylyǵy salasyndaǵy birlesken jobalardy júzege asyrýǵa shaqyrdy.
Kezdesý sońynda taraptar tabysty ekijaqty jáne kópjaqty yntymaqtastyqty odan ári damytýǵa senim bildirdi.
