QR Premer-Mınıstri Eńbek jáne halyqty áleýmettik qorǵaý mınıstrligi ujymyna jańa basshy Serik Ábdenovti tanystyrdy
ASTANA. 26 qyrkúıek. QazAqparat - Búgin Qazaqstan Respýblıkasynyń Premer-Mınıstri Serik Ahmetov Eńbek jáne halyqty áleýmettik qorǵaý mınıstrliginiń ujymyna vedomstvonyń jańa basshysyn tanystyrdy.
«Búgin Elbasy Jarlyǵymen Serik Saqybaldyuly Ábdenov Qazaqstan Respýblasynyń Eńbek jáne áleýmettik qorǵaý mınıstri bolyp taǵaıyndaldy», - dep atap ótken Úkimet basshysy jańa mınıstrdiń eńbek jolyna qysqasha toqtalyp ótti.
S. Ahmetovtiń atap ótýinshe, ol memlekettik qyzmettiń barlyq satysynan ótken. Eńbek jáne halyqty áleýmettik qorǵaý mınıstrligine qatysty máselelerdi egjeı-tegjeıli biledi. Osy vedomstvonyń departament dırektory, mınıstrdiń orynbasary bolǵan. Óńirlerde de jumys istep ysylǵan. Sońǵy jyldary Shyǵys Qazaqstan oblysy ákiminiń birinshi orynbasary qyzmetin atqarǵan.
«Memlekettik basqarý organdaryndaǵy osyndaı jumys tájirıbeńizdi eskere otyryp, Memleket basshysy sizge Eńbek jáne halyqty áleýmettik qorǵaý mınıstri syndy joǵarǵy memlekettik laýazymdy usyndy», - dedi Premer-Mınıstr.
