QR Premer-Mınıstri Ekonomıkalyq damý jáne saýda jańa mınıstrin tanystyrdy
ASTANA. Naýryzdyń 12-si. QazAqparat /Serik Sábekov/ - QR Premer-Mınıstri Kárim Másimov qaıta qurylǵan Ekonomıkalyq damý jáne saýda mınıstrliginiń ujymyna vedomstvonyń jańa basshysy Janar Aıtjanovany tanystyrdy.
Kárim Másimov budan buryn J.Aıtjanovanyń ındýstrııa jáne saýda vıtse-mınıstri qyzmetinde saýda salasyn basqarǵanyn aıtyp ótti. Ol sondaı-aq burynǵy ekonomıka jáne bıýdjettik josparlaý mınıstri Baqyt Sultanovqa birlese atqarǵan qyzmeti úshin alǵysyn bildirdi.
«Men Baqyt Turlyhanulyna osy jyldardaǵy birlesken jumys úshin alǵys aıtqym keledi. Biz sizben birge qansha bıýdjetti qaradyq, sizben birge jumys jasaý óte qyzyqty boldy. Jaqyn arada tıisti taǵaıyndaý bolady dep oılaımyn. Biz sizben burynǵysha qoıan-qoltyq jumys jasaıtyn bolamyz», - dedi ol. Sonymen qatar Premer bıýdjettik josparlaý qyzmetiniń bir bóligi qarjy mınıstrligine beriletinin, saýda qyzmeti - Ekonomıkalyq damý jáne saýda mınıstrligine qaraıtynyn aıtty.
Óz kezeginde Ekonomıkalyq damý jáne saýda jańa mınıstri Janar Aıtjanova ózine úlken senim kórsetilip otyrǵanyn, sonymen birge jaýapkershilik te úlken bolatynyn, osy joǵary senimdi aqtaýǵa bar kúsh-jigerin jumsaıtynyn bildirdi. Jańadan qurylǵan minıstrliktiń aldyna strategııalyq josparlaý jáne aımaqaralyq damý jóninde úlken mindetter júktelip otyr. Sondaı-aq Keden odaǵy boıynsha syrtqy ekonomıkalyq yqpaldastyq jáne Biryńǵaı ekonomıkalyq keńistiktiń quqyqtyq bazasyn jasaý jumystary júrgiziledi. Jumystyń úshinshi blogy - ishki saýda júıesin retteý bolmaq.
