QR Premer-Mınıstri ekonomıka salalaryn qoldaý jóninde birqatar keńes ótkizdi
NUR-SULTAN. QazAqparat - 29 sáýir men 4 mamyr aralyǵynda QR Premer-Mınıstri Asqar Mamın qurylys salasyn, azamattyq avıatsııany, óńdeý sektoryn, agroónerkásiptik jáne kólik keshenin, shaǵyn jáne orta bıznesti, saýda men týrızmdi damytý jáne qoldaý máseleleri jóninde keńester ótkizdi, dep habarlaıdy primeminister.kz.
Talqylaýǵa ortalyq memlekettik organdardyń, «Samuryq-Qazyna» UÁQ» AQ, «Báıterek» UBH» AQ, «Atameken» UKP jáne salalyq qaýymdastyqtardyń basshylyǵy qatysty.
Keńesterde kásipkerlik sýbektilerin salyqtyq yntalandyrý, nesıelendirý máseleleri, otandyq taýar óndirýshilerdi qorǵaý, retteletin satyp alýlar quraldary, eksportqa baǵyttalǵan, eń aldymen, orta jáne joǵary bólinistegi ónimderdi óndiretin kásiporyndardy qoldaý, ruqsat berý rásimderin odan ári jeńildetý jáne t. b. sharalar egjeı-tegjeıli qaraldy.
QR Premer-Mınıstri Asqar Mamın Qazaqstannyń ekonomıkalyq ósimin qalpyna keltirý jónindegi keshendi jospardy ázirleý kezinde ekonomıka salalaryn qoldaý boıynsha ázirlengen tásilderdi eskerýdi tapsyrdy.
