QR Premer-Mınıstri: Dúnıejúzilik bank elimizdi ekonomıkalyq turǵyda tıimdi memleket dep baǵalaýda

ASTANA. QazAqparat - Dúnıejúzilik bank elimizdi ekonomıkalyq turǵyda tıimdi memleket dep baǵalaýda. Bul týraly búgin Astana ekonomıkalyq forýmda QR Premer-Mınıstri Kárim Másimov osylaı málim etti.

«Búginde Qazaqstan Jahandyq ekonomıkalyq forýmynyń básekege qabilettilik boıynsha dúnıejúzilik ekonomıkalyq ındeksinde 50-orynda tur. Dúnıejúzilik bank elimizdi ekonomıkalyq turǵyda tıimdi memleket dep baǵalaýda», - dedi Úkimet basshysy.

Osy oraıda Premer-Mınıstr Qazaqstan táýelsizdik jyldarynda damýdyń qýatty tuǵyrnamasyn qurǵanyn, bul baǵytta elimizdiń ekonomıkalyq ósimi eselengenin, sondaı-aq Qazaqstan álemniń ekpindi ekonomıkalarynyń qataryna engenin atap ótti.

«Biz ınvestıtsııalar úshin turaqty ortany qamtamasyz etý baǵytanda jumystardy jalǵastyrýdamyz», - dep atap ótti K. Másimov.