QR Premer-Mınıstri BUU-nyń bosqyndar isi jónindegi Joǵarǵy komıssary basqarmasynyń Qazaqstandaǵy aımaqtyq úılestirýshisimen kezdesti
ASTANA. Naýryzdyń 19-y. QazAqparat - Búgin Úkimet úıinde QR Premer-Mınıstri Kárim Másimov BUU bosqyndar isi jónindegi Joǵarǵy komıssary basqarmasynyń Qazaqstan Respýblıkasyndvaǵy aımaqtyq úılestirýshisi Saber Azammen kezdesti,
dep habarlaıdy QR Premer-Mınıstriniń baspasóz qyzmeti.
Kelissózder barysynda bosqyndarǵa, sonyń ishinde tótenshe jaǵdaılarda kómek kórsetý salasyndaǵy yntymaqtastyq, sondaı-aq Qazaqstanda olardyń quqyqtaryn qorǵaý tetikterin damytý máseleleri talqylandy.
Saber Azam Premer-Mınıstrge BUU bosqyndar isteri jónindegi Joǵarǵy komıssary basqarmasy ókildiginiń jumysy týraly baıandady jáne Qazaqstannyń respýblıka aýmaǵynda olardyń quqyqtyq mártebesin aıqyndaıtyn bosqyndar týraly ulttyq zań qabyldaýyn quptady.
