QR Premer-Mınıstri BQO-nyń 3 aýdanyndaǵy avtojol ınfraqurylymyn damytý jaıyn talqylady
Premer-Mınıstr sondaı-aq «Oral - Tasqala - Ozınkı RF shekarasy» jáne «Qaztalov - Jánibek - Bókeı ordasy» avtojoldarynyń qurylysy barysymen tanysty.
Qaztalov, Jánibek jáne Bókeı ordasy aýdandarynyń ókilderimen kezdesý kezinde Memleket basshysynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn oryndaý aıasynda jergilikti jol jelileriniń jaı-kúıin jaqsartý jáne avtojoldardy tolyqqandy jańǵyrtýdyń ózekti máseleleri talqylady.
Kezdesýdi ashqan Baqytjan Saǵyntaev Memleket basshysynyń jalpy Batys Qazaqstan oblysynyń damýyna, onyń ishinde el damýynyń basty ekonomıkalyq draıverleriniń biri retinde avtomobıl joldarynyń jaı-kúıine, jáne eldiń óńiraralyq jáne aımaqishilik jumylýyna erekshe kóńil bólip otyrǵanyn atap ótti. Oblystaǵy avtojoldardy jóndeý úshin 2014-2017 jj. bastap 24,9 mlrd teńge bólingen. 453 shaqyrym jol jóndelgen, sonymen qatar oblys ortalyǵy Qaratóbe, Shyńǵyrlaý jáne Jańaqala aýdan ortalyqtarymen qosylǵan. Sondaı-aq oblystaǵy birqatar aýdandarda aýdanishilik jóndeý jumystary júrgizilgen, Bórli jáne Syrym aýdandarynyń ortalyqtary qosylǵan.
Jergilikti joldardyń jaı-kúıin túbegeıli jaqsartý úshin Elbasy bıyl Batys Qazaqstan oblysyna jasaǵan sapary aıasynda qosymsha qarajat bólýdi tapsyrǵan bolatyn. Osylaısha, 23,9 mlrd teńge bólindi, onyń 11 mlrd teńgesi Tasqala aýdanyna, 1,7 mlrd teńgesi Kaztalov aýdanyna baǵyttaldy. Talqylaý barysynda bólingen qarajat esebinen, sonymen qatar, «Oral - Saratov» baǵytyndaǵy joldyń qaıta jóndelýi aıaqtalatyny aıtyldy. Atalǵan joldy jańǵyrtý esebinen jolǵa jumsalatyn ýaqyttyń 1,5 esege qysqarýyna oraı shekara mańyndaǵy óńirlerdiń ekonomıkalyq belsendiliginiń artýy kútilip otyr.
Budan ózge, aldaǵy 3 jylda jergilikti bıýdjetten qosa qarjylandyrýmen respýblıkalyq bıýdjetten 18 mlrd teńge kóleminde transfertter qarastyrylǵan. Jalpy kólemi 36 mlrd teńgeni quraıdy. Nátıjesinde 700 shaqyrymnan astam avtojol jóndeledi.
«Qazavtojol» AQ basqarma tóraǵasy E. Qızatov 2015-2019 jyldarǵa arnalǵan «Nurly jol» ınfraqurylymdy damytýdyń memlekettik baǵdarlamasynyń Batys Qazaqstan oblysynda iske asyrylýy týraly baıandaı otyryp, óńir kartasynda joldardy salý jáne rekonstrýktsııalaý barysyn kórsetti. Onyń aıtýynsha, 2018 jyly jalpy somasy 16 mlrd teńgeden asatyn somaǵa 13 jobany iske asyrý qarastyrylǵan.
Bıyl eki jobany iske asyrý josparlanǵan: Olar «Bórli - Aqsaı - Jympıty» avtojolyn rekonstrýktsııalaý jáne «Podstepnoe - Fedorovka - RF shekarasy» respýblıkalyq trassasynan BQO Terekti aýdany, Alǵabas stantsııasyna deıingi avtokólik jolyn rekonstrýktsııalaý jobasy. 6 aıdyń qorytyndysy boıynsha ıgerý deńgeıi 100% quraıdy. 2018 jyly «Oblystyq jáne aýdandyq mańyzy bar avtojoldardyń kúrdeli jáne ortasha jóndeý jumystary» baǵyty boıynsha 3 mlrd teńgege 5 jobany iske asyrý kózdelgen.
Óz kezeginde Investıtsııalar jáne damý birinshi vıtse-mınıstri R. Sklıar Batys Qazaqstan oblysynyń jalpy paıdalanymdaǵy avtojoldarynyń jalpy uzyndyǵy 6 496 shaqyrymdy quraıtynyn aıtty. Jyldyń sońyna deıin jobalyq-smetalyq qujattamany ázirleý úshin alty lot boıynsha tender ótkiziledi. 2014 jylmen salystyrǵanda jergilikti mańyzdaǵy avtojoldardyń jaǵdaıy 4%-ǵa jaqsarǵan. Jalpy, 2025 jylǵa qaraı jergilikti mańyzdaǵy avtojoldardyń 75%-yn jaqsartý josparlanyp otyr.
Kezdesý barysynda jergilikti jurtshylyq atynan sóz sóılegen Bókeı ordasy aýdanynyń Ardagerler keńesiniń tóraǵasy I. Mashýtov oblysta respýblıkalyq jáne jergilikti mańyzdaǵy avtojoldardy jóndeýdiń aýqymdy jumysy bastalǵanyn atap ótti.
«Joǵary sapaly avtojoldardyń qurylysy jergilikti týrızmdi damytýǵa jáne osy tamasha ólkeniń tanymaldyǵyn arttyrýǵa jol ashady», - dedi I. Mashýtov.
Kezdesýdiń qorytyndysyn shyǵara otyryp, QR Premer-Mınıstri Baqytjan Saǵyntaev Investıtsııalar jáne damý mınıstrligine «Qazavtojol» AQ-men jáne oblys ákimdigimen birlese otyryp barlyq atalyp ótken usynystardy eskerýdi, sondaı-aq barlyq jol ýchaskelerinde josparlanǵan jumystardyń sapaly ári ýaqytyly oryndalýyn baqylaýda ustaýdy tapsyrdy.
«Oral - Tasqala - Ozınkı RF shekarasy» jolynyń salynyp jatqan ýchaskesin tekserý barysynda Premer-Mınıstr jol ınfraqurylymyn jańǵyrtý boıynsha atqarylyp jatqan jumystarmen tanysty. Avtojoldyń uzyndyǵy 100 shaqyrymdy quraıdy, onyń 27 shaqyrymy ótken jyly aıaqtaldy. Bıyl jóndeý jumystaryna 9,5 mlrd teńge bólindi.
Oblys ákiminiń orynbasary M. Satqanov qurylys aıaqtalǵannan keıin, osy jyldyń qarasha aıynda atalǵan avtojol boıynsha táýligine 7,5 myń avtokólik júretinin aıtty. Jolda júrý ýaqyty 1,5 esege azaıady. Jol jabyny 13 tonnalyq avtokólik salmaǵyn kóteredi. Jalpy alǵanda, jol ýaqytyn qysqartý esebinen avtojoldardy rekonstrýktsııalaý shekara mańyndaǵy óńirlerdiń ekonomıkalyq belsendiligin arttyrady dep kózdelgen.
Sondaı-aq, Baqytjan Saǵyntaev «Qaztalov - Jánibek - Bókeı ordasy» avtojolynyń ýchaskesin jóndeý barysymen tanysty. Elbasy tapsyrmasyna sáıkes, Kaztalov, Jánibek jáne Bókeı ordasy aýdandarynyń ortalyqtaryn oblys ortalyǵymen baılanystyrý maqsatynda jalpy uzyndyǵy 245 shaqyrym bolatyn «Qaztalov - Jánibek» jáne «Ónege - Bısen - Saıqyn» avtojoldaryn kúrdeli jóndeý jumystaryn jobalaý bastaldy. Jobalardy 2019-2021 jyldary júzege asyrý josparlanǵan.
