QR Premer-Mınıstri birqatar mınıstrlikter men vedomstvolardyń jańa basshylaryn tanystyrdy

Bul týraly Úkimettiń baspasóz qyzmeti habarlady.

QR Premer-Mınıstri Kárim Másimov Ekonomıkalyq damý jáne saýda mınıstrliginiń ujymyna onyń jańa basshysy - Qaırat Kelimbetovti tanystyrdy.

K.Másimov atap ótkendeı, Memleket basshysy tarapynan el Úkimeti aldyna qoıylǵan strategııalyq mindettemeler aıasynda aldaǵy ýaqytta Ekonomıkalyq damý jáne saýda mınıstrliginiń qyzmeti keńeıtiledi.

***

Premer-Mınıstr Kárim Másimov «Samuryq-Qazyna» Ulttyq ál-aýqat qory» AQ ujymyna jańa tóraǵa - Tımýr Qulybaevty tanystyrdy.

Premer-Mınıstr «Samuryq-Qazyna» UÁQ aýqymdy ındýstrııalandyrýdy, sonymen qatar ulttyq kompanııalarda korporatıvti basqarý qaǵıdalaryn engizý sharalaryn tabysty júzege asyrýdy jalǵastyratynyna senim bildirdi.

***

QR Premer-Mınıstri Kárim Másimov Memleket basshysynyń jarlyǵymen Kólik jáne kommýnıkatsııa mınıstrliginiń jańa basshysy bolyp taǵaıyndalǵan Berik Kamalıevti ujymǵa tanystyrdy.

Premer-Mınıstr kólik-kommýnıkatsııa kesheniniń el ekonomıkasyn tıimdi nyǵaıtý, Qazaqstannyń álemniń básekege qabiletti 50 eliniń qataryna kirýge jaǵdaı jasaýdaǵy atqaryp otyrǵan róliniń mańyzdylyǵyn atap ótti.