QR Premer-Mınıstri bıliktiń ortalyq jáne aımaqtyq basshylaryna birqatar tapsyrmalar berdi

«Birinshi tapsyrma Ekonomıka jáne bıýdjettik josparlaý mınıstrligine - «Qoljetimdi baspana - 2020» baǵdarlamasy boıynsha qarjy bólý. Óńirlik damý mınıstrligine - bıýdjet qarajatynyń ýaqtyly ıgerilýin baqylaýǵa monıtorıng júrgizý; oblystar, Astana men Almaty ákimderine - bıylǵy jylǵa josparlanǵan turǵyn úı kólemin paıdalanýǵa berýdi qamtamasyz etý», - dedi Úkimet basshysy.

Onyń aıtýynsha, baǵdarlama sheńberinde 6,8 mln. sharshy metr turǵyn úı salý kózdelip otyr. Bul - oryndalatyn jospar. «Sonymen qatar, bizge 2014 jylǵy josparymyzdy da bir qarap shyǵý kerek. Jyl sońynda kelesi jylǵy turǵyn úı boıynsha josparymyzben salystyratyn bolamyz», - dedi S. Ahmetov.

Sonymen qatar, Úkimet basshysy ákimderge atalǵan baǵdarlamanyń negizgi bólikteriniń biri retinde jeke turǵyn úı qurylysyn qadaǵalaýdy tapsyrdy.

«Jeke turǵyn úı qurylysynyń kóptegen nysandary salynyp, alaıda paıdalanýǵa berilmeı bos turady. Óıtkeni ıelerine sol tıimdirek. Meniń oıymsha, turǵyn úı komıssııalary men ınspektsııalaryna ásirese jeke sektorǵa tekseris júrgizip, sondaı nysandardy paıdalanýǵa engizý qajet. Nege deseńiz, ǵımaratty turǵyzý bir basqa, al sony salǵan jeke tulǵalar olardy jyldap paıdalanýǵa bermeıdi, sonyń nátıjesinde birqatar kommýnaldyq qyzmetterdiń aqysyn, múlik salyǵyn tólemeıdi», - dedi QR Premer-Mınıstri.

Sonymen qatar, Úkimet basshysy Óńirlik damý mınıstrligi men Indýstrııa jáne jańa tehnologııalar mınıstrligine birlesip úsh jyldyq «Úı salý kombınattaryn júkteý baǵdarlamasyn» jasap shyǵarýdy tapsyrdy.