QR Premer-Mınıstri Baılanys salasyndaǵy qyzmetti lıtsenzııalaýdyń keıbir máseleleri týraly qaýlyǵa qol qoıdy
QazAqparat qujattyń mátinin taratady.
Qazaqstan Respýblıkasy Úkimetiniń qaýlysy
2012 jylǵy 19 jeltoqsan, № 1620 Astana, Úkimet Úıi
Baılanys salasynda qyzmetter kórsetý jónindegi qyzmetti lıtsenzııalaýdyń keıbir máseleleri týraly
«Lıtsenzııalaý týraly» 2007 jylǵy 11 qańtardaǵy Qazaqstan Respýblıkasy Zańynyń 6-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan baılanys salasynda qyzmetter usyný jónindegi qyzmetti júzege asyrýǵa ótinish berýshiniń biliktilik talaptary jáne olarǵa sáıkestikti rastaıtyn qujattardyń tizbesi bekitilsin.
2. Qazaqstan Respýblıkasy Kólik jáne kommýnıkatsııa mınıstrliginiń Baılanys jáne aqparattandyrý komıteti baılanys salasynda qyzmetter usyný jónindegi qyzmettiń lıtsenzıary bolyp belgilensin.
3. «Qalaaralyq jáne (nemese) halyqaralyq baılanys operatoryn belgileý jónindegi biliktilik talaptary men ólshemderin bekitý týraly» Qazaqstan Respýblıkasy Úkimetiniń 2004 jylǵy 27 tamyzdaǵy № 909 qaýlysyna (Qazaqstan Respýblıkasynyń PÚAJ-y, 2004 j., № 31, 429-qujat) mynadaı ózgerister engizilsin:
kórsetilgen qaýlymen bekitilgen qalaaralyq jáne (nemese) halyqaralyq baılanys operatoryn belgileý jónindegi biliktilik talaptary men ólshemderinde:
1-tarmaqta:
birinshi abzats mynadaı redaktsııada jazylsyn:
«1. Qalaaralyq jáne (nemese) halyqaralyq baılanys qyzmetterin kórsetýde operatorǵa mynadaı negizderde talaptar qoıylady:»;
3) tarmaqsha mynadaı redaktsııada jazylsyn:
«3) aktsııalardy (úlesterdi, jarnalardy) bólý ózgergen kezde baılanys operatory eki apta merzimde lıtsenzıarǵa rastaý qujattaryn usyna otyryp tıisti aqparatty beredi;»;
3-tarmaqtyń ekinshi bóligi mynadaı redaktsııada jazylsyn:
«QHBO jelilerimen basqa baılanys operatorlarynyń telekommýnıkatsııa jelileriniń ózara is-qımylyn uıymdastyrý Qazaqstan Respýblıkasynyń Úkimeti bekitetin trafıkti ótkizýdi jáne ózara esep aıyrysý tártibin qosa alǵanda, Telekommýnıkatsııa jelilerin qosý jáne ózara is-qımyl erejesine sáıkes júzege asyrylady.»;
4-tarmaqtyń 4) tarmaqshasy mynadaı redaktsııada jazylsyn:
«4) QHBO mártebesin bergen sátte baılanys operatorynyń ıeligindegi jáne (nemese) ol paıdalanylatyn qoldanystaǵy telekommýnıkatsııa jelisi kóliktik telekommýnıkatsııa jelilerinen (magıstraldy jáne ishki aımaqtyq baılanys jelileri) qalaaralyq jáne halyqaralyq kommýtatsııa stantsııalarynan, trafık (bıllıng) esep aıyrysý júıesinen, jelini basqarý júıesinen jáne taktili jelilik sınhrondaý júıesinen turýy tıis;»;
7-tarmaqtyń birinshi abzatsy mynadaı redaktsııada jazylsyn:
7. «Qalaaralyq jáne (nemese) halyqaralyq baılanys qyzmetterin usynatyn baılanys operatorynyń tehnıkalyq personalyna qoıylatyn biliktilik talaptary:».
4. Osy qaýlynyń qosymshasyna sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.
5. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasynyń Premer-Mınıstri S. Ahmetov
