QR Premer-Mınıstri baspasóz qyzmetiniń málimdemesi
ASTANA. Qazannyń 8-i. QazAqparat - Birqatar qazaqstandyq BAQ-da jarııalanǵan materıaldarda QR Premer-Mınıstri Kárim Másimovtiń elimizdiń fýtboldan bas jattyqtyrýshysy Bernd Shtorkke qatysty jeke blogynda jarııalaǵan sózine silteme jasalǵan.
Bul týraly Úkimet basshysynyń baspasóz qyzmeti habarlady.
QR Premer-Mınıstriniń baspasóz qyzmeti K.Másimov Qazaqstan fýtbol quramasynyń oıyndary sekildi, komandanyń bas jattyqtyrýshysy B.Shtorkke qatysty óz pikirin aıtpaǵandyǵyn resmı málimdeıdi.
Osyǵan baılanysty QazAqparat joǵaryda aıtylǵan pikir qazannyń 7-si kúngi salynǵan materıalda paıdalanylǵandyqtan, óz oqyrmandarynan keshirim suraıdy. Sondyqtan da ol materıal saıttan alynyp tastaldy.
