QR Premer-Mınıstri Azıada-2011 ótkizý kezinde qaýipsizdik máselelerin pysyqtaýdy tapsyrdy
ALMATY. Naýryzdyń 24-i. QazAqparat /Danııar Sıqymbaev/ - QR Premer-Mınıstri Kárim Másimov Azıada-2011 ótkizý kezinde qaýipsizdik máselelerin pysyqtaýdy tapsyrdy.
Aǵymdaǵy jylǵy mamyrdyń 1-ine deıin qaýipsizdik, kúzet jáne keden máselelrin túgeldeı sheshý qajet. Bul týraly Premer sársenbi kúni, naýryzdyń 24-inde Almatyda qala aktıvimen keńeste aıtty.
«Mamyr aıynda otyrys ótkizip, ony osy máselelerge arnaý qajet», - dedi Premer-Mınıstr. Ol sondaı-aq magıstraldyq ınjenerlik jelilermen, shańǵy jáne bıatlon trassalarymen baılanysty problemalardy pysyqtaýdy tapsyrdy.
Týrızm jáne sport mınıstriniń orynbasary Talǵat Ermegııaevtiń aıtýynsha, qaýipsizdik máseleleri eldiń ІІM jáne UQK organdarymen pysyqtalýda.
Almaty ákiminiń orynbasary Vıktor Doljenkov aldaǵy Azıada oıyndarynyń nysandary qurylysy boıynsha barlyq jumystar kestege saı júrgizilip jatqanyn atap ótti.
