QR Premer-Mınıstri áýe apatynda qaza bolǵandardyń týǵandaryna qaıǵyra kóńil aıtty
ASTANA. 26 jeltoqsan. QazAqparat - Búgin taý-ken salasyn damytý máselelerine arnalǵan keńesti asha otyryp, QR Premer-Mınıstri Serik Ahmetov áýe apatynan qaza bolǵandardyń otbasylaryna kóńil aıtty.
Bul týraly Úkimet basshysynyń baspasóz qyzmetinen habarlady.
«Keshe Shymkent qalasyna qoný kezinde QR Shekara qyzmetiniń áskerı-júk ushaǵy qulady. 27 adam, sonyń ishinde QR UQK Shekara qyzmetiniń basshylyǵy, áskerı qyzmetkerler mert boldy. Bul - olardyń týystary men jaqyndary úshin, elimizdiń Qarýly Kúshteri úshin orny tolmas úlken qaıǵy. Bul - barsha qazaqstandyqtar úshin aýyr qaza. Áýe apatynda qaza bolǵandardyń týǵan-týystaryna, jaqyndaryna qaıǵylaryna ortaqtasyp, kóńil aıtamyn»,- dedi S.Ahmetov.
Keńeske qatysýshylar qaza bolǵandardy bir mınýttyq únsizdikpen eske aldy.
