QR Premer-Mınıstri atyraýlyq jastarmen kezdesti
ASTANA. QazAqparat - Búgin QR Premer-Mınıstri Baqytjan Saǵyntaev Atyraý oblysyna jumys sapary aıasynda óńirdiń stýdent jastarymen bolashaq mamandyqtaryna arnalǵan kadrlar daıarlaý jáne zamanaýı naryq jaǵdaılarynda túlekterdiń básekege qabilettiligin arttyrý máseleleri boıynsha kezdesý ótkizdi, dep habarlaıdy primeminister.kz .
Kezdesý barysynda qatysýshylar Memleket basshysynyń Qazaqstanda álemdik deńgeıdegi oqytý ortalyqtaryn qurý boıynsha tapsyrmalaryn iske asyrý barysyn, «Tsıfrlyq Qazaqstan» memlekettik baǵdarlamasynyń taqyrybyn, kadrlardy daıarlaý jáne qaıta daıarlaý, túlekterdiń básekege qabilettiligin arttyrý, bolashaq mamandyqtary úshin daǵdylar men biliktilikter qalyptastyrý, dýaldi oqytýdyń erekshelikteri jáne kásibı quziretterdi keńeıtý boıynsha jas mamandarǵa jaǵdaı jasaý máselelerin talqylady.
Atalǵan taqyryptar boıynsha ARES PetroTechnic stýdentteri men túlekteri Ásel Jumaǵulova, Sultanbek Ǵabbasov, Ǵaısa Erǵalıev jáne Valerııa Gavrışeva baıandama jasady.
Kóterilgen máseleler boıynsha QR bilim jáne ǵylym mınıstri Erlan Saǵadıev túsinikteme berdi. Ol sondaı-aq qazaqstandyq jas ázirleýshilermen birlesip jumys jasaý úshin álemdik iri konsortsıýmdardy tartýdyń mańyzdylyǵyn basa aıtty, jáne jastarǵa óz biliktiligin arttyrýǵa jáne shet tilderin meńgerýge umtylý qajet ekenin jetkizdi.
Baqytjan Saǵyntaev búginde Qazaqstanda jańa ındýstrııalar qurý jáne bazalyq sektorlardy tsıfrlandyrýmen sıpattalatyn Qazaqstannyń úshinshi jańǵyrýy iske asyrylyp jatqanyn aıtyp ótti. Ozyq tehnologııalardy engizý jastarǵa úlken múmkindikter ashady, alaıda sonymen birge zamanaýı jaǵdaıda básekege qabiletti bolý úshin jańa daǵdylar men quzyretterdi meńgerýdi talap etedi.
Óz kezeginde QR Úkimeti qajetti biliktilikti alýǵa jáne osylaısha jastarǵa zamanaýı naryqtyń ózgerip jatqan jaǵdaıyna beıimdelýge barlyq qajetti jaǵdaılar jasaý úshin keshendi jumys júrgizedi. Atap aıtqanda, aǵymdaǵy jyldan bastap «Barshaǵa arnalǵan tegin kásiptik-tehnıkalyq bilim berý» jobasyn iske asyrý bastalady. Birinshi kezekte tegin bilim berý jumyssyz jáne ózin-ózi jumyspen qamtyǵan jastardy, sondaı-aq kásiptik bilimi joq eńbekke qabiletti jastaǵy adamdardy qamtıdy. Bul belgilengen ekonomıka aıasynda jańa óndirister mamandaryn daıarlaý úshin kásiptik bilim berý júıesin damytýǵa serpin berý úshin jasalady.
Budan ózge, AT-bilimderdi, qarjylyq saýattylyqty jáne synshyl oılaýdy qalyptastyrýǵa baǵyttalǵan bilim berý júıesiniń barlyq deńgeılerine arnalǵan oqý baǵdarlamalaryn jańartý boıynsha jumys jalǵasady. Oǵan qosa, qalalyq jáne aýyldyq oqý oryndary arasyndaǵy bilim berý sapasyndaǵy aıyrmashylyqty azaıtý boıynsha jumys júrgizilip jatyr. 
Sonymen qatar, joǵary tehnologııalar salasynda ǵylymı jobalar ázirleýmen aınalysatyn jastardy qoldaýdyń mańyzdylyǵy basa aıtyldy. Olarǵa Qazaqstan aýmaǵynda ǵylymı-ınnovatsııalyq klasterler men AT-parkteriniń jumysyna qatysýǵa jaǵdaı jasalady.
