QR Premer-Mınıstri Atyraý oblysynda bıznesti damytý úshin asa perspektıvaly baǵyttardy belgiledi
Іs-shara aıasynda óńirdiń jastarymen jáne Qazaqstanda jumys isteıtin iri shetel ınvestorlarymen kezdesýler aıasynda qozǵalǵan munaı-gaz salasyn tsıfrlandyrý taqyryby jalǵasyn tapty.
Kezdesýge qatysýshylar munaıgaz salasyn tsıfrlandyrýǵa qatysý boıynsha bıznes qaýymdastyqtyń perspektıvalaryn, Atyraý oblysy aýmaǵynda daıyn kommýnıkatsııalar men ǵımarattar bar shaǵyn ındýstrııalyq aımaqtar qurý, aýyl sharýashylyǵy salasy bıznesin nesıelendirý máselelerin jáne naryqtyń monopolııalyq jáne ústem sýbektilerine qatysty problemalardy talqylady.
Atalǵan taqyryptar boıynsha «Atameken» UKP basqarma tóraǵasy Abylaı Myrzahmetov, «Embavedoıl» JShS bas dırektory Marat Cherdabaev, «Izeken» JShS dırektory Raısa Kýshekova, «Bereke» kompanııalar toby» JShS dırektory Áset Tuıaqbaev, «BatysAlıansStroı» JShS dırektory Ádil Jubanov, Atyraý oblysynyń Іsker áıelder qaýymdastyǵynyń tóraǵasy Nurly Aıtıeva, «BatysSert» Sertıfıkattaý ortalyǵy» JShS dırektory Jánibek Áýbekerov baıandama jasady.
Baqytjan Saǵyntaev búgingi tańda Úkimettiń Memleket basshysy jarııalaǵan Ekonomıkany úshinshi jańǵyrtýdy iske asyrýǵa bıznesti tartý boıynsha keshendi jumys júrgizip jatqandyǵyn atap ótti. Bul jumys birinshi kezekte tsıfrlyq tehnologııalardy ekonomıkanyń barlyq basymdyqty salalaryna keńinen engizýdi jáne bıznestiń paıdalanýyn kózdeıdi.
Atap aıtqanda, bul baǵytta kásipkerlerge sáıkes yntalandyrýlar júıesin qurý, olardyń ishinde normatıvtik bazany jetildirý, kásiporyndardy tsıfrlyq transformatsııalaý úshin shyǵyndardy azaıtý, tsıfrlyq jobalarǵa ınvestıtsııalar tartý úshin qolaıly jaǵdaı jasaý boıynsha jumys júrgizilýde.
Munaı óndiretin Atyraý oblysynyń kásipkerleri bul baǵytta aıtarlyqtaı múmkindikter men perspektıvalarǵa ıe ekendigi atap ótildi, sebebi munaıgaz salasy Indýstrııa 4.0 elementterin engizý úshin áldeqaıda qolaıly salalardyń biri.
Sonymen birge, Úkimettiń jańa Memlekettik baǵdarlamalar: bıznesti qoldaý, onyń ishinde jeńildikti nesıeleý túrindegi quraldar bar AÓK damytý men ónimdi jumyspen qamtý jáne jappaı kásipkerlikti damytý aıasynda bıznesti qoldaý boıynsha jumysty jalǵastyryp jatqandyǵy atap ótildi.
Sonymen birge, Úkimettiń jańa Memlekettik baǵdarlamalar aıasynda bıznesti qoldaý boıynsha jumystardy: bıznesti qoldaý, onyń ishinde jeńildikpen nesıelendirý túrindegi quraldary bar AÓK damytý men ónimdi jumyspen qamtý jáne jappaı kásipkerlikti damytý jumystaryn jalǵastyryp jatqandyǵy atap ótildi.
