QR Premer-Mınıstri atom energetıka salasyndaǵy otandyq ǵylymı zertteýlermen tanys boldy
ASTANA. 23 maýsym. QazAqparat - Búgin QR Premer-Mınıstri Kárim Másimov Astanadaǵy Dıstsıplınaralyq ǵylymı-zertteý kesheninde boldy, dep habarlaıdy QR Ulttyq ıadrolyq ortalyǵynyń baspasóz qyzmeti.
Úkimet basshysynyń Dıstsıplınaralyq ǵylymı-zertteý keshenine sapary keshegi Shyǵys Qazaqstan oblysyna jasaǵan jumys saparynyń jalǵasy boldy, ShQO-da K.Másimov QR Ulttyq ıadrolyq ortalyǵynyń nysandaryn aralaǵan bolatyn.
Úkimet basshysyna keshenniń negizi - 2006 jyly paıdalanýǵa berilgen DTs-60 aýyr ıondardy údetkish qurylǵysy tanystyryldy.
QR Ulttyq ıadrolyq ortalyqtyń Bas dırektory Qaırat Qadyrjanovtyń aıtýynsha, radıatsııalyq jáne ıadrolyq tehnologııalardy daıyndaý men engizý sharalary, fýndamentaldy zertteýler men ózimizdiń mamandardy daıarlaý isi qarqyndy júrgizilip jatyr.
Kezdesý sońynda Úkimet basshysy jańa materıaldar jáne tehnologııalar, elektrondy mıkroskop zerthanasynyń jumysymen tanys boldy.
