QR Premer-Mınıstri Astanadaǵy Ulttyq bıotehnologııalar ortalyǵynda boldy

Úkimet basshysy bıotehnologııa jáne selektsııa, ımmýndyq hımııa jáne ımmýndik bıotehnologııa zerthanalarynyń, ulttyq ǵylymı ujymdyq paıdalaný bıotehnologııa zerthanasynyń jumystarymen tanysty jáne sondaı-aq mıkroorganızmderdiń respýblıkalyq kollektsııasyn kórdi.

Ulttyq bıotehnologııalar ortalyǵynyń bas dırektory Erlan Ramanqulov Úkimet basshysyna ortalyqtyń ǵylymı ujymynyń sońǵy bes jyl ishindegi negizgi jetistikteri týraly aıtyp berdi.

«Dońyz jáne qus tumaýyna qarsy jasalǵan (UBO ortalyǵy jasaǵan) vaktsınalar Sankt-Peterbordaǵy tumaý ınstıtýtynda klınıkalyq synaqtan ótýde. Vatsınalar barlyq halyqaralyq talaptarǵa, Dúnıejúzilik densaýlyq saqtaý uıymynyń talaptaryna saı jasalǵan jáne básekege óte qabiletti jáne eksportqa baǵdarlanǵan ónimder bolyp tabylady», - dedi E.Ramanqulov.

Onyń aıtýynsha, ortalyq 29 dıagnostıkalyq testi-júıeniń tehnologııasyn jasap, óndirisin uıymdastyrdy jáne maldar men qustardyń, kúıis qaıyratyn ýaq maldardyń qorasan, oba, aýsyl, qutyrý, brýtsellez jáne týberkýlez sııaqty aýrýlaryna qarsy veterınarııa úshin 26 vaktsına shyǵardy.

Budan basqa «Ekobak» dep atalatyn munaımen lastanǵan topyraqty tazartatyn otandyq joǵary tıimdi preparat, bıdaıdyń joǵary ónim beretin bes suryby jáne kúrishtiń eki jańa suryby jasaldy.

Óz kezeginde K.Másimov «Búgingi kórgenderim kóńilge senim uıalatady. Memleket basshysynyń tapsyrmasy boıynsha resýrstar salynǵan ınstıtýttar belgili bir alǵashqy ǵylymı áser berýde. Endi ǵylymı jasalymdardy praktıkalyq nátıjelermen baılanystyrý óte mańyzdy», dep atap ótti.

Tutastaı alǵanda, Premer ortalyq jumysyna qanaǵattanǵandyǵyn bildirdi jáne ǵylymı ujym jumysyna tabys tilegen izgi nıetin jetkizdi.