QR Premer-Mınıstri Astanada salynyp jatqan «Ulttyq bıotehnologııa ortalyǵy» ǵylymı- ınnovatsııalyq kesheninde boldy
Nysan qurylysynyń barysy týraly Bilim jáne ǵylym mınıstri B.Jumaǵulov pen ortalyqtyń bas dırektory K.Momynálıev habarlady.
Ulttyq bıotehnologııa ortalyǵynyń qurylysy QR Prezıdentiniń tapsyrmasy boıynsha júrgizilýde.
«Bul elimizdiń ozyq ǵalymdary jumys isteıtin teńdessiz ǵylymı keshen bolady. Ǵalymdardyń alańsyz jumys isteýi, olardyń turatyn jerge alańdamaýy úshin jaǵdaılar jasaý qajet, ıaǵnı, bul nysannyń qurylysynyń sapasyna qatań baqylaý júrgizý kerek»,-dedi S.Ahmetov.
Jalpy aýmaǵy 29,4 myń. sharshy metr bolatyn keshen bes jeke ǵımarattarǵa bólingen. Onyń ishinde ákimshilik jáne saraptamalyq bloktar, vıvarıı, energııa blogy, sondaı-aq qyzmetkerlerge arnalǵan jataqhana bar.
Ortalyqty aralaý qorytyndysy boıynsha S.Ahmetov múddeli memlekettik organdar basshylaryna birqatar tapsyrmalar berdi. Qosymsha aqparatty www.primeminister.kz/?lang=kz saıtynan kórińizder
