QR Premer-Mınıstri Asqar Mamın JEO-3 qurylysynyń barysyn tekserdi
NUR-SULTAN. QazAqparat - QR Premer-Mınıstri Asqar Mamın Nur-Sultan qalasyndaǵy jańa JEO-3 qurylysynyń barysyn, otyn-energetıka kesheniniń nysandaryn jańǵyrtý barysyn tekserdi, dep habarlaıdy QR Úkimetiniń baspasóz qyzmeti.
JEO-3 qurylys alańynda Úkimet basshysyna JEO-3 qurylysynyń birinshi kezeńi qýattylyǵy 480 Gkal/saǵ bolatyn sý jylytatyn qazandyq salýdy qarastyratyny baıandaldy.
Temir jol jáne avtokólik kirý joldary salyndy, ákimshilik-turmystyq keshen ǵımarattary salyndy. Negizgi jabdyqty avtomattandyrý jáne elektrlik bóligin montajdaý jumystary júrgizilip jatyr. Búginde nysannyń daıarlyǵy 70% quraıdy.
JEO-3 qurylysy taıaý jyldary elordanyń batys bóliginde jylýǵa degen artyp kele jatqan suranysty qamtýǵa múmkindik beredi, sonymen qatar, jeke óndirýshi qýatty jáne Nur-Sultan qalasyndaǵy otyn-energetıka kesheniniń jylý kózin aıtarlyqtaı ulǵaıtady.
Qurylys alańynda QR Premer-Mınıstrine áreket etip turǵan JEO-1 jáne JEO-2 energııa kózderin jańǵyrtý jáne gazdandyrý, energııa kesheniniń aldaǵy jylytý maýsymyna daıyndyǵy týraly aqparat berildi.
QR Úkimetiniń basshysy elordanyń otyn-energetıka kesheniniń nysandaryn salý jáne jańǵyrtý boıynsha birqatar naqty tapsyrmalar berdi.
