QR Premer-Mınıstri Asqar Mamın Chevron basshysymen kezdesti

NUR-SULTAN. QazAqparat - Qazaqstan Respýblıkasynyń Premer-Mınıstri Asqar Mamın «Shevron» (Chevron) kompanııasynyń dırektorlar keńesiniń tóraǵasy M. Ýırtpen munaı óndirý salasyndaǵy ózara is-qımyldyń keleshegi máselelerin talqylady. Bul týraly primeminister.kz saıty habarlady.

Úkimet basshysy sońǵy jyldary Qazaqstan «Shevron» kompanııasymen tyǵyz jáne ózara tıimdi yntymaqtastyq ornatqanyn atap ótti. Asqar Mamın júzege asyrylyp jatqan jobalardaǵy kompanııanyń satyp alýlaryndaǵy jerigilikti qamtý úlesin arttyrýǵa qyzyǵýshylyq bar ekenin jetkizdi.

Taraptar quny $36,8 mlrd quraıtyn «Teńizshevroıl» (TShO) keleshekte keńeıtý jobasyn talqylady. Jobany 2022 jyly aıaqtaý TShO tabysyn jylyna 12 mln tonnaǵa arttyrady.

M.Ýırt «Shevron» kompanııasy týraly aqparat berip, kompanııanyń Qazaqstan aýmaǵyndaǵy jobalarynyń ónimdiligin atap ótti.

Qazaqstannyń Shevronmen yntymaqtastyǵy myna jobalar aıasynda júzege asyrylýda: Teńiz (50%), Qarashyǵanaq (18%) jáne Kaspıı qubyr konsortsıýmy (15%). «Shevron» energııa tasymaldaýshylardy óndirýmen jáne tasymaldaýmen qatar, Atyraý polıetılen qubyrlary zaýyty (APQZ) jáne Atyraý qubyr jelisi armatýralary zaýyty (AQAZ) jáne t.b. jumysyn qamtamasyz etedi.

Kezdesýge QR energetıka mınıstri Q. Bozymbaev, «QazMunaıGaz» AQ basqarma tóraǵasy A. Aıdarbaev jáne Atyraý oblysynyń ákimi N. Noǵaev qatysty.