QR Premer-Mınıstri Almatyda qysqy Azıada-2011 nysandaryn salý jáne jańǵyrtý barysymen tanysty
ALMATY. Naýryzdyń 23-i. QazAqparat /Danııar Sıqymbaev/ - Almatyda jumys saparynda júrgen QR Premer-Mınıstri Kárim Másimov búgin qysqy Azıada-2011 nysandaryn salý jáne jańǵyrtý barysymen tanysty.
Atap aıtqanda Úkimet basshysy «Samuryq-Qazyna» UÁQ AQ arqyly qarjylandyrylyp salynyp jatqan halyqaralyq shańǵy tramlınderi jáne elektr kishistansylary qurylysynyń barysymen tanysty. Búginde tramplınderdiń qurastyrmalary qurylysy tolyq aıaqtaldy.
Budan basqa, K.Másimov Balýan Sholaq atyndaǵy sport saraıynda, joǵary taýdaǵy «Medeý» sport kesheninde, «Shymbulaq» taý shańǵysy kesheninde boldy. Qurylysshylardyń aıtýynsha, búginde qarjylandyrý tolyq kelip tústi, jumystar kestege saı júrgizilýde, nysandar tıisti merziminde paıdalanýǵa beriledi.
Erteń, naýryzdyń 24-inde Premer-Mınıstr Almatydaǵy qurylys jáne «Bıznestiń jol kartasy-2020» baǵdarlamasyn júzege asyrý máselelerin talqylaý jónindegi keńeske qatysady.
