QR Premer-Mınıstri A.Esimovti Almaty ákiminiń qyzmetine taǵaıyndalýymen quttyqtady
ALMATY. 13 sáýir. QazAqparat /Ekaterına Ionova/ - Búgin Almatyda QR Premer-Mınıstri Kárim Másimov Ahmetjan Esimovti qala ákimi qyzmetine taǵaıyndalýymen quttyqtady.
«Sizdi Elbasy tarapynan berilip otyrǵan senimge ıe bolýyńyzben quttyqtaımyn. Táýelsizdik jyldarynda Siz árdaıym senip tapsyrylǵan nysandardan tabyldyńyz, alǵa qoıylǵan maqsattarǵa qol jetkizip otyrdyńyz. Almaty sııaqty qalada bul úlken mańyzǵa ıe, sebebi Almaty elimizdiń eń iri qalasy, qarjylyq jáne iskerlik ómirdiń, bıznestiń ortalyǵy», - dep atap ótti Úkimet basshysy.
Óz kezeginde A.Esimov K.Másimovti QR Úkimet basshysy laýazymyna qaıta taǵaıyndalýymen quttyqtady. «Men Qazaqstan Prezıdentine senim bildirgeni úshin alǵys aıtamyn. Sonymen qatar Almaty máslıhatynyń depýtattaryna qoldaý bildirgeni úshin alǵys aıtqym keledi», - dedi qala basshysy.
