QR Premer-Mınıstri 2011-2020 jyldarǵa arnalǵan Bilim berýdi damytýdyń memlekettik baǵdarlamasy jobasynyń mátinin buqaralyq aqparat quraldarynda jarııalaýdy tapsyrdy
ASTANA. Maýsymnyń 10-y. QazAqparat - Búgin Úkimet úıinde Qazaqstan Respýblıkasynyń Premer-Mınıstri Kárim Másimovtiń tóraǵalyǵymen bilim berý máselelerine arnalǵan respýblıkalyq keńes boldy. Oǵan Parlament Májilisiniń depýtattary, ortalyq atqarýshy organdardyń basshylary, oblys ákimderiniń áleýmettik salany basqaratyn orynbasarlary, oblystyq bilim basqarmalarynyń bastyqtary, memlekettik jáne jeke joǵary oqý oryndarynyń, mekemeleriniń jáne bilim berý qoǵamdyq birlestikteriniń ókilderi qatysty, dep habarlady QR Úkimeti basshysynyń baspasóz qyzmeti.
Keńeske qatysýshylar Qazaqstan Respýblıkasynyń Bilim jáne ǵylym mınıstrligi jasaǵan 2011-2020 jyldarǵa arnalǵan bilim berýdi damytýdyń memlekettik baǵdarlamasy jobasyn egjeı-tegjeıli qarady.
Bilim berýdi damytý memlekettik baǵdarlamasy Qazaqstan Respýblıkasynyń 2020 jylǵa deıingi damý strategııalyq josparyn júzege asyrýdyń ózekti baǵyttarynyń biri. «Eldi jańǵyrtý strategııasyn iske asyrýdyń tabystylyǵy, eń aldymen, qazaqstandyqtardyń bilimine, áleýmettik jáne dene bolmysy, kóńil-kúılerine baılanysty», dep atap kórsetti Qazaqstan Respýblıkasynyń Prezıdenti Nursultan Nazarbaev «Jańa onjyldyq-jańa ekonomıkalyq órleý-Qazaqstannyń jańa múmkindikteri» atty Qazaqstan halqyna Joldaýynda.
QR Bilim jáne ǵylym mınıstri Janseıit Túımebaev Memlekettik baǵdarlama jobasyn usyna otyryp, onyń bilim berý júıesiniń negizgi maqsaty - onyń básekege qabilettiligin arttyrý, ekonomıkanyń ornyqty ósimi men azamattardyń ál-aýqatynyń artýyn qamtamasyz etetin adamdyq kapıtaldy damytý úshin túbegeıli jańartý ekendigin atap ótti. Bidim berý salasyn reformalaý jáne jańartýdyń negizgi baǵyttary retinde mynalar usynylady: qarjylandyrýdy jetildirý (qarjylandyrýdyń jan basyna shaqqandaǵy ustanymyn engizýmen), bilim menedjmentin jaqsartý, pedagogtiń mártebesin arttyrý (memlekettik qoldaýdy kúsheıtý jáne pedagog qyzmetkerlerdiń eńbegin yntalandyrý), elektrondyq oqytý júıesin engizý («e-learning»), mektepke deıingi tárbıemen jáne oqytýmen tolyq qamtý («Balapan» memlekettik baǵdarlamasy boıynsha mektepke deıingi uıymdardyń balamaly jelisin damytý), orta (12-jyldyq oqytýǵa kóshý, «Nazarbaevtyń Zııatkerlik mektepteri» jáne «Beıindik mektep» aǵa mektepteriniń jelilerin damytý), tehnıkalyq jáne kásiptik (jumys berýshiler jasaǵan Ulttyq biliktilik júıesi jáne kásibı standattardy júzege asyrýmen), joǵarǵy jáne joǵary oqý ornynan keıingi bilimdi (Ulttyq akkredıtatsııalyq uıymdardy halyqaralyq akkredıtatsııalyq jelige yqpaldastyrý, Memlekettik jalpyǵa mindetti tehnıkalyq/kásiptik bilim men oqý baǵdarlamalary standarttaryn jańǵyrtýmen, birneshe mamandyqtar alý úshin jaǵdaı týǵyzýmen, oqytýdyń qosarly júıesin júzege asyrý arqyly kásiptik tájirıbe úlesin ulǵaıtýmen, Indýstrııalandyrý kartasy jobasyn júzege asyratyn bazalyq kásiporyndarǵa joǵary oqý oryndary stýdentterin bekitýmen, eldiń jedeldete ındýstrııalyq-ınnovatsııalyq damý qajettiligine sáıkes memlekettik bilimge tapsyrys qurylymyn ózgertýmen, ındýstrııalyq-ınnovatsııalyq damýdyń barlyq baǵyttary boıynsha mamandarǵa zamanaýı biliktilik talaptaryn belgileýmen) odan ári damytý. Bul oraıda bilim berý máseleleri boıynsha sektoraralyq jáne vedomstvoaralyq ózara is-qımyldy kúsheıtý kózdeledi. Baǵdarlamany júzege asyrýǵa 2015 jylǵa deıingi kezeńge ǵana memlekettik bıýdjetten 1 trln. 180 mlrd. teńgeden astam qarjy bólý kózdeledi.
J.Túımebaevtyń aıtýynsha, sonyń nátıjesinde Qazaqstanda oqıtyndar sapaly bilimmen qamtamasyz etilip, tańdaýly bilim resýrstary men tehnologııalaryna qol jetkize alady. Halyqaralyq reıtıngilerdiń kórsetkishiniń jaqsarýynan, qazaqstandyq bilim berý júıesiniń tartymdylyǵyn arttyrýdan basqa el ekonomıkasynyń ornyqty ósý mindetterin kadrlyq qamtamasyz etý úderisi júzege asyrylady, Qazaqstannyń adam kapıtalynyń básekege qabilettiligi arttyrylady. Bilim berýdi damytýdyń memlekettik baǵdarlamasy pedagog kadrlardyń eńbekaqysy deńgeıin arttyrýǵa múmkindik beredi, búkil qyzmeti boıyna mansaptyq ósýi, oqytylýy jáne kásibı biliktiligin damytýy qamtamasyz etiledi.
Memlekettik baǵdarlama jobasyn talqylaý barysynda: Almaty qalasy ákiminiń orynbasary Serik Seıdýmanov, S.Toraıǵyrov atyndaǵy Pavlodar memlekettik ýnıversıtetiniń rektory Erlan Aryn, Astana qalasy bilm basqarmasynyń bastyǵy Ásıma Bımendına, QR joǵary oqý oryndary qaýymdastyǵynyń prezıdenti Rahman Alshanov, Ulttyq akkredıtatsııalyq ortalyq sarapshylar keńesiniń múshesi, Máskeý memlekettik talshyqty hımııalyq tehnologııalar akademııasynyń prorektory Nıkolaı Prokopov, Qostanaı oblysy Rýdnyı qalasyndaǵy orta mektep dırektory Valentına Býrnaeva, Ulttyq túzetý pedagogıkasy ǵylymı-praktıkalyq ortalyǵynyń dırektory Baǵylan Halyqova, «Qazaqstannyń jastar kongresi» ZTB atqarýshy dırektory Nurlan Sydyqov, Almaty bilim berý jańa tehnologııalar aımaqtyq ortalyǵynyń dırektory Temirhan Tasbolatov, Qaraǵandy qalasyndaǵy №9 kásiptik lıtseı dırektory Raısa Tamabaeva, Almaty qalasyndaǵy №100 «Gaýhar» balabaqsha meńgerýshisi Gúlsim Іlııasheva, Pavlodar oblysy boıynsha balalardyń quqyǵyn qorǵaý departamentiniń dırektory Gúlbaram Naýryzbaeva, QR Parlamenti Májilisiniń depýtaty Dınara Núketaeva jáne basqalar sóıledi.
Pikirsaıys barysynda bilim berý salasyn damytýdyń ózekti máseleleri qozǵaldy jáne memlekettik baǵdarlamany pysyqtaı túsý jóninde usynystar engizildi. Atap aıtqanda, sóz alǵandar bilim berý júıesin damytý mindetterin júzege asyrýda jergilikti atqarýshy organdardyń rólin kúsheıtý, halyqaralyq bilim keńistigine yqpaldastyrý, shaǵyn komplektili mektepterdiń damý múmkindikterin keńeıtý, elektrondyq oqytýdy engizý, ınklıýzıvtik bilim berý, tehnıkalyq jáne kásiptik bilim berý kadrlaryn daıarlaý, jastardy saıası tárbıeleý, balalardy mektepke deıingi tárbıeleý jáne oqytý uıymdarynda orynmen qamtamasyz etý máselelerine basa kóńil bóldi, sondaı-aq bul baǵdarlamany bilim berý jáne áleýmettik qamsyzdandyrý júıelerin damytý josparlarymen ushtastyrý qajettigin atap ótti.
Premer-Mınıstr K.Másimov el Prezıdenti Nursultan Nazarbaevtyń tapsyrmasymen aǵymdaǵy jyly Úkimet Qazaqstandy jedeldete ındýstrııalyq-ınnovatsııalyq damytý baǵadarlamasyn, sondaı-aq 2011-2015 jyldarǵa arnalǵan «Salaýatty Qazaqstan» densaýlyq saqtaýdy damytý boıynsha memlekettik baǵdarlamanyń, 2011-2020 jyldarǵa arnalǵan bilim berýdi damytý memlekettik baǵdarlamasynyń, sondaı-aq 2011-2020 jyldarǵa arnalǵan tilderdi qoldaný men damytýdyń memlekettik baǵdarlamasy jobalary jasalǵanyn atap ótti. Osy jobalardy keńinen jáne jan-jaqty talqylaýdyń, qoǵamdyq saraptamanyń qajettigin atap kórsete otyryp, K.Másimov bilim berýdi damytý memlekettik baǵdarlamasy jobasynyń mátinin buqaralyq aqparat quraldarynda jarııalaýdy tapsyrdy.
Premer-Mınıstr sondaı-aq Bilim jáne ǵylym mınıstrligine túsken usynystardy eskere otyryp jáne múddeli memlekettik organdarmen kelisý nátıjeleri boıynsha pysyqtaýdy jáne ony aǵymdaǵy jylǵy tamyz aıynda keıinnen Memleket basshysynyń bekitýine jiberý úshin Úkimet otyrysynda qaraýǵa engizýdi tapsyrdy.
Memlekettik baǵdarlamanyń jobasy aımaqtyq jáne salalyq deńgeılerde keńinen talqylandy.
