QR Premer-Mınıstr birqatar keńester ótkizdi
ASTANA. Naýryzdyń 29-y. QazAqparat - Búgin Úkimet úıinde Qazaqstan Respýblıkasynyń Premer-Mınıstri Kárim Másimov quqyq qorǵaý organdaryn jáne sot júıesin reformalaý máseleleri boıynsha jumys keńesin ótkizdi, dep habarlady Úkimet basshysynyń baspasóz qyzmeti.
Tústen keıin Premer-Mınıstr balalardy mektepke deıingi tárbıeleý jáne oqytý máseleleri boıynsha keńes ótkizdi, onda Bilim jáne ǵylym mınıstrligi múddeli qurylymdarmen birlesip ázirlegen «Balapan» baǵdarlamasynyń jobasy talqylandy. 2010-2014 jyldarǵa arnalǵan baǵdarlamanyń maqsaty - mektepke deıingi tárbıeleý pen oqytý uıymdarynyń sapaly qyzmetke halyqtyń qajettiligin qanaǵattandyrý. 2015 jylǵa 650 myńnan astam bala (mektepke deıingi jastaǵy balalardyń jalpy sanynyń 70 paıyzy) mektepke deıingi bilimmen qamtamasyz etiledi dep kútilýde.
