QR Premer-lıgasy: «Spartak» - «Astana» - 1:1
ASTANA. QazAqparat - Semeıde «Spartak» stadıonynda Premer-lıga komandalarynyń arasynda fýtboldan ótken Qazaqstan Respýblıkasy chempıonatynyń kezekti oıynynda semeılik «Spartak» «Astana» komandasyn óz alańynda qabyldady, dep habarlady sports.kz.
Oıyn bastala salysymen kontrshabýyldy qolǵa alǵan alań ıeleri birinshi taımda esep ashty. Danıel Peevtiń dál soqqysy «Astana» qaqpashysy Vladımır Logınovskııdi qapy qaldyrǵanymen ekinshi taımda Goran Obradovıch avtogol saldy. Oıynnyń 66-shy mınýtynda «astanalyq» Damır Koıashevıch alystan soqqy baǵyttaǵanymen qorǵaýshylardan asa almady. Alaıda, Koıashevıchtiń epkindi soqqylary qur ketpedi. Dopty ıelengen «Astana» komandasynyń shabýylshysy Atanas Kýrdovtyń kezekti pasyn qaıtarmaq bolǵan Goran Obradovıch óz qaqpasyna avtogol salyp, tarazy basyn teńestirdi. Budan keıin de qonaqtar shabýyldy toqtatqan joq. Qosymsha ýaqytta Tańat Nóserbaev pen Atanas Kýrdovtyń soqqylaryna «Spartak» qaqpashysy Danııl Rıhard tótep bere aldy. Endi «Astana» komandasy 17 shilde kúni tel-avıvtik «Hapoeldi» «Astana Arena» sport kesheninde qabyldaıdy, dep jazady sports.kz.
