Sanıtarlyq-epıdemıologııalyq saraptama ortalyǵynda júrgizilgen zertteýler sany eki ese artty
ASTANA. KAZINFORM – Jyl basynan beri QR PІB Medıtsınalyq ortalyǵynyń Sanıtarlyq-epıdemıologııalyq saraptama ortalyǵynyń ujymy 777 myń zertteý júrgizdi. Osylaısha, byltyrǵy 7 aıymen salystyrǵanda zertteý sany eki ese artyp otyr.
Búgingi tańda SESO-da 8 zerthana bar. Munda bakterıologııalyq, parazıtologııalyq, molekýlıarlyq-genetıkalyq, sanıtarııalyq-hımııalyq, toksıkologııalyq, hromatografııalyq zertteýler jasalyp, dıoksın anyqtalady. Fızıkalyq faktorlardyń (ıondaýshy jáne elektromagnıttik sáýlelený, shý men jaryq deńgeıi, mıkroklımat) TMD elderi arasynda qabyldanǵan qazaqstandyq, halyqaralyq standarttar men standarttarǵa sáıkestigi ólshenedi.
Sondaı-aq ortalyq mamandary qyzmeti Tamaq ónimderi men aýyz sý óndirýmen, saqtaýmen, tasymaldaýmen jáne ótkizýmen, balalardy tárbıeleý men oqytýmen, halyqqa kommýnaldyq jáne turmystyq qyzmet kórsetýmen aınalysatyn uıymdardyń laýazymdy adamdary men qyzmetkerlerine sanıtarlyq-gıgıenalyq oqytý júrgizedi.
Eske sala keteıik, buǵan deıin almatylyq dárigerlerdiń naýqastan kólemi qarbyzdaı qaterli isikti alyp tastaǵanyn jazǵan edik.
