PІB Medortalyǵynyń dárigerleri Túrkistan oblysynda 28 kúrdeli operatsııa jasady
ASTANA. KAZINFORM - Osy aptada QR PІB Medıtsınalyq ortalyǵynyń Túrkistan oblysyndaǵy kúnderi ótti. Medortalyqtyń neırohırýrg, arıtmolog, gınekolog, pýlmonolog, ýrolog jáne basqa da bilikti mamandary 28 operatsııa jasap, 370-ten astam adamǵa konsýltatsııalyq kómek berdi.
Dárigerler Túrkistan óńirinde buryn-sońdy jasalmaǵan kúrdeli operatsııalardy sátti ótkizgenin, olardyń kómegine júgingenderdiń basym bóligi aýyr dıagnozy bar naýqastar ekenin aıta keteıik. Budan bólek, elordalyq jáne almatylyq mamandardyń 51 prezentatsııasy men sheberlik sabaqtaryna 900-den astam adam qatysty.
Sapar aıasynda QR PІB Medıtsınalyq ortalyǵy men Túrkistan oblysynyń ákimdigi arasynda ózara yntymaqtastyq týraly memorandýmǵa qol qoıyldy.
Apta ishinde Sanıtarlyq-epıdemıologııalyq saraptama ortalyǵynyń ókilderi jergilikti áriptesterine alǵashqy medıtsınalyq-sanıtarlyq kómek taqyrybynda birqatar prezentatsııa jasady. «Oqjetpes» ESK AQ Almaty fılıalynyń ókilderi Túrkistan oblysynyń halqy men kásipkerlerin «Oqjetpes» shıpajaılar brendiniń medıtsınalyq múmkindikterimen jáne ońaltý baǵdarlamalarymen tanystyrdy.
Іs-shara QR Prezıdenti Іs basqarmasy Medıtsınalyq ortalyǵynyń uıymdastyrýymen, oblystyq ákimdikter men densaýlyq saqtaý basqarmalarynyń qoldaýymen ótip jatqanyn aıta keteıik.
Bıyl ekinshi ret ótkizilip otyrǵan aýqymdy joba aıasynda medortalyq mamandarynan quralǵan delegatsııa buǵan deıin Qaraǵandy, Pavlodar oblystaryna bardy. Jyl sońyna deıin elimizdiń barlyq óńiri qamtylýy tıis.
