QR PІB Injenerlik-tehnıkalyq ortalyǵy Digital Almaty 2025 forýmyna qatysty
ALMATY. KAZINFORM – Ótken aptanyń sońynda «Digital Almaty 2025» forýmy máresine jetti. «Jasandy ıntellekt: jańa dáýir tehnologııasy» taqyrybynda ótken aýqymdy is-sharaǵa QR PІB Injenerlik-tehnıkalyq ortalyǵy belsene atsalysty.
Eki kún ishinde 25 myńnan astam adam kelgen IT forýmda kásiporynnyń jetistikteri kórsetilgen múıiske qyzyǵýshylyq tanytqandardyń qatary kóp boldy.
ITO jurtshylyq nazaryna usynǵan jańashyl sheshimderdiń qatarynda:
SAK (sıtýatsııalyq-analıtıkalyq keshen); BKJ (biryńǵaı kadr júıesi); Veb-portal – memlekettik organdardyń qyzmetkerlerine arnalǵan tsıfrly ekojúıe; BMAJ (Biryńǵaı medıtsınalyq aqparattyq júıe) taǵy basqalary boldy.
Injenerlik-tehnıkalyq ortalyq ázirlegen júıelerdiń múmkindikterin kórneki túrde pash etý úshin kelýshilerge arnaıy kontenti bar VR-kózildirik berilip, ár júıeniń ereksheligi sýrettelgen materıaldar taratyldy.
Jańa júıeler jasandy ıntellektini jobalarǵa engizýdiń áleýetin kórsetti.
ITO jobalary Qazaqstannyń ǵana emes, Ózbekstan, Qyrǵyzstan jáne basqa da elderdiń kompanııalaryna usynylǵanyn atap ótken jón.