QR Parlamenti Senatynyń Tóraǵasy Qasym-Jomart Toqaev elordadaǵy №3-shi saılaý ýchaskesine kelip, daýys berdi
ASTANA. 3 sáýir. QazAqparat /Murat Jakeev/ - "Men saılaý ýchaskesine erekshe kóńil-kúımen keldim", - dedi Astanadaǵy Kongress-holda ornalasqan №3-shi saılaý ýchaskesine kelip daýys bergen QR Parlamenti Senatynyń Tóraǵasy Qasym- Jomart Toqaev jýrnalısterge bergen suhbatynda.
«Kórip otyrsyzdar, men daýys berýge erekshe kóńilmen keldim. Bul shyn máninde tarıhı kún, memleketimizdiń tarıhyndaǵy erekshe kún, oǵan kúmán joq», - dedi Q.Toqaev óz sózinde.
Budan buryn habarlaǵandaı, Qazaqstannyń barlyq aýmaǵyndaǵy barlyq saılaý ýchaskeleri Astana ýaqyty boıynsha tańǵy saǵat 7.00-de esikterin aıqara ashty. Bir saǵattan keıin - ýaqyt aıyrmashylyǵyna baılanysty - elimizdiń batys óńirlerindegi saılaý ýchaskeleri óz jumystaryn bastady. Búgin daýys berý úderisi keshki saǵat 20.00-ǵa deıin sozylady. Al 4 sáýir kúni tańerteń saılaýdyń aldyn ala qorytyndylary shyǵarylmaq.
