QR Parlamenti Senatynyń depýtattaryn saılaýǵa TMD-dan 100-den astam baıqaýshy qatysady

ASTANA. QazAqparat - Búgin Qazaqstan Respýblıkasy Ortalyq saılaý komıssııasynyń tóraǵasy Berik Imashev Qazaqstan Respýblıkasy Parlamenti Senatynyń depýtattaryn saılaýǵa TMD-dan baıqaýshylar mıssııasynyń basshysy bolyp taǵaıyndalǵan Táýelsiz Memleketter Dostastyǵy Atqarý komıteti tóraǵasynyń - Atqarýshy hatshysynyń birinshi orynbasary Vıktor Gýmınskıımen kezdesý ótkizdi.

B. Imashev V. Gýmınskııdi Parlament Senaty depýtattaryn saılaý boıynsha saılaý naýqanynyń erekshelikterimen tanystyrdy, sonymen birge Qazaqstannyń barlyq óńirleri men Astana, Almaty qalalaryna TMD baıqaýshylaryn jibergeni úshin alǵysyn bildirdi.

«TMD baıqaýshylarynyń saılaý protsesterine qatysýy jurtshylyqtyń saılaýǵa degen senimin arttyrady. Qazaqstan Respýblıkasynyń Ortalyq saılaý komıssııasy tarapynan daýys berýge daıyndyq jáne ótkizý boıynsha sońǵy is-sharalardy atqardy. Saılaý komıssııalary saılaý rásimderiniń ashyqtyǵy men saılaý týraly zańnamanyń saqtalýyn qamtamasyz etýge daıyn», - dep B. Imashev atap ótti.

Óz kezeginde, V. Gýmınskıı Parlament Senatynyń depýtattaryn saılaý boıynsha TMD baıqaýshylar mıssııasynyń qyzmeti týraly aıtyp berdi. «Mıssııa saılaýdyń demokratııalyq saılaý jáne ulttyq zańnamanyń jalpyǵa birdeı tanymal qaǵıdattaryna sáıkes ótkizilýin baǵalaıdy», - dedi ol.

 Óz baǵasyn Mıssııa saılaýdan keıin kelesi kúni, TMD elderiniń barlyq úılestirýshilerimen kelisip, ózderiniń málimdemesinde jarııalaıdy.

B. Imashev atap ótkenindeı, TMD-dan baıqaýshylar mıssııasy sany jaǵynan basym ekenin atap ótti. Onyń ishinde 106 baıqaýshy akkredıttelgen.

«Ortsaılaýkom  oblystyq, Astana jáne Almaty qalalyq saılaý komıssııalary saılaý kúni TMD baıqaýshylar mıssııasynyń  saılaýdy  tıisti baıqaý úshin jaǵdaı jasaý boıynsha sharalar qabyldaýda», - dedi ol óz qorytyndy sózinde.