QR Parlamenti Senaty janyndaǵy Senatorlar keńesiniń otyrysy boldy
Sharaǵa Keńes músheleri, onyń ishinde Palatanyń ár kezeńdegi Tóraǵasy qyzmetin atqarǵan – Ómirbek Baıgeldı, Oralbaı Ábdikárimov, kórnekti memleket qaıratkerleri Qýanysh Sultanov, Zınaıda Fedotova, «Halyq Qaharmany» Muhtar Altynbaev jáne basqalar qatysty.
Máýlen Áshimbaev otyrysty asha kelip, Keńes múshelerine Táýelsizdikti nyǵaıtýǵa jáne qazaqstandyq parlamentarızmdi damytýǵa qosqan úlesi úshin alǵysyn bildirdi.
Palata Tóraǵasy qazaqstandyq jańa memlekettilikti qalyptastyrýdaǵy Elbasynyń tarıhı róline toqtalyp, kásibı Parlament elimizdiń Tuńǵysh Prezıdentiniń bastamalaryna árdaıym qoldaý kórsetkenin atap ótti.
«Tuńǵysh Prezıdentimiz – Elbasy Nursultan Ábishuly Nazarbaevtyń salıqaly saıasatynyń arqasynda Qazaqstan 30 jylda ordaly elge aınaldy. Memlekettik ınstıtýttardy qalyptastyryp, olardyń úzdiksiz ári quzyretti jumysyn qamtamasyz ettik. Osy rette qos palataly kásibı Parlamenttiń orny erekshe bolǵanyn aıta ketken jón. Zań shyǵarýshy organ el damýyna negiz bolatyn zańnamalyq baza jasaqtaı aldy», - dedi Máýlen Áshimbaev.
Palata Tóraǵasy eks-senatorlarǵa Elbasynyń senimdi serikteri retinde aýqymdy jumystarǵa tikeleı atsalysqandaryn jáne Táýelsizdikti nyǵaıtýǵa eleýli úles qosqandaryn atap ótti.
Máýlen Áshimbaev Qazaqstanda bıliktiń sabaqtastyǵy saqtala otyryp, zor jetistikterdi arttyrýǵa múmkindik alǵanyn atap ótti. Oǵan elimiz Prezıdenti Qasym-Jomart Toqaevtyń bastamasy boıynsha barlyq saladaǵy júıeli ózgerister mysal bola alady.
«Mańyzdy saıası, ekonomıkalyq jáne áleýmettik reformalar júzege asýda. Eldiń saıası júıesi jańǵyrtylýda, saıası partııalar damý ústinde. Partııalardy tirkeý jáne beıbit jınalystardy ótkizý rásimderi jeńildetildi. «Halyq únine qulaq asatyn memleket» tujyrymdamasy negizinde memlekettik basqarý júıesi dáıekti túrde reformalanyp keledi. Jergilikti ózin-ózi basqarýdy kúsheıtý jáne jergilikti deńgeıdegi ákimderdi saılaýǵa mańyzdy qadamdar jasaldy», - dep atap ótti Palata Tóraǵasy.
Máýlen Áshimbaev Keńes múshelerine Memleket basshysynyń jańǵyrtý jónindegi baǵdaryn zańnamalyq qamtamasyz etýge baǵyttalǵan Senattyń aǵymdaǵy jumysy týraly aıtyp berdi. Ol sondaı-aq Palatanyń qosymsha basymdyqtary – Óńirlerdi damytý, shaǵyn jáne orta bıznesti qoldaý, sondaı-aq ulttyq qundylyqtardy ilgeriletý máselelerine toqtaldy.
Máýlen Áshimbaev óz sózinde senatorlar zań shyǵarý bastamasy quqyǵyn belsendi paıdalanatynyn jáne bul máselede tájirıbeli eks-senatorlardy qoldaý óte mańyzdy ekenin atap ótti.
«Qazirgi tańda biz Senat depýtattary daıyndaǵan 18 zań jobasy boıynsha jumys júrgizýdemiz. Onyń ishinde zańnamaǵa jaıylymdyq jerlerdi paıdalaný jáne organıkalyq ónimder boıynsha túzetý engizý týraly zań jobalary bar. Senatorlar múmkindigi shekteýli azamattardyń ómir súrý sapasyn jaqsartýǵa arnalǵan zań jobasyn, ǵylym jáne basqa da baǵyttar boıynsha mańyzdy zańdarǵa túzetýler ázirleý ústinde. Biz osy zań jobalaryn daıyndaý jáne talqylaý aıasynda syndarly usynystar men ıdeıalar úshin árqashan ashyqpyz. Senatorlar keńesimen belsendi birlesken jumysqa da daıynbyz», - dep atap ótti Palata Tóraǵasy.
Máýlen Áshimbaev burynǵy senatorlardy qos palataly Parlamenttiń qurylýynyń 25 jyldyǵymen quttyqtady.
Kezdesý barysynda Keńes músheleri Senat janyndaǵy Senatorlar keńesiniń jumysyn uıymdastyrý týraly usynystary men tilekterin bildirdi. Máýlen Áshimbaev elimiz Prezıdenti atynan memlekettiliktiń qalyptasýyna, Táýelsizdiktiń nyǵaıýyna jáne eldiń áleýmettik-ekonomıkalyq damýyna qosqan eleýli úlesi úshin Senatorlar keńesiniń múshelerin «Qazaqstan Respýblıkasynyń Táýelsizdigine 30 jyl» mereıtoılyq medalimen, sondaı-aq Senat Tóraǵasynyń Alǵys hatymen marapattady.
