QR Parlamenti Senaty komıtetiniń kóshpeli otyrysynda ekologııa máseleleri talqylandy
ASTANA. Jeltoqsannyń 12-si. QazAqparat - QR Parlamenti Senaty Agrarlyq máseleler jáne qorshaǵan ortany qorǵaý komıtetiniń kóshpeli otyrysy aıasynda depýtattar «Qaldyqtardy basqarý jáne el aýmaǵyn tarıhı lastanýlardan tazartý júıesin qurý salasyndaǵy zańnamalyq qamtamasyz etý» taqyrybyna arnalǵan «dóńgelek ústel» usynymdarynyń oryndalý barysy týraly ortalyq jáne jergilikti organdardyń aqparattaryn tyńdady,
dep habarlaıdy QazAqparat Senattyń baspasóz qyzmetine silteme jasap.
Aǵymdaǵy jylǵy mamyr aıynda Senatta ótkizilgen «dóńgelek ústel» jumysynyń qorytyndylary boıynsha qabyldanǵan usynymdar týraly aıta kelip, Komıtet hatshysy Qýanysh Aıtahanov qorshaǵan orta sapasyn basqarý júıesin jetildirýdiń mańyzdylyǵyna toqtaldy.
Qaldyqtardy basqarýǵa qatysty jumystardyń belsendiligin arttyrý, olardy qaıta óńdeý men sharýashylyqtarda qoldanýǵa tartý, sondaı-aq ekologııalyq ınnovatsııalardy engizý qajettigin atady.
QR Qorshaǵan ortany qorǵaý mınıstri N.Áshimov ártúrli salalardaǵy qaldyqtarmen jumys isteý máselelerine qatysty qolǵa alynǵan sharalar týraly habarlady. Onyń aıtýynsha, usynymdardy oryndaý sheńberinde múddeli organdarmen birlesip ónerkásiptiń túrli salalaryndaǵy ıesiz jáne tarıhı lastanýlar jóninde sandyq aqparat jınaý jolymen qorshaǵan ortanyń lastaný nysandaryna túgendeý júrgizilgen.
Mınıstrlik «2010-2020 jyldarǵa arnalǵan Qazaqstan ekologııasy» memlekettik baǵdarlamasynyń jobasyn ázirlegen. Keshendi túgendeý jáne tarıhı lastanýlardy joıý boıynsha jumystardy júrgizý máselelerin sheshý maqsatynda «Kóktep damý» qaldyqtardy basqarýdyń ulttyq ortalyǵyn qurý usynyldy.
Otyrys barysynda qatysýshylar tıisti zańnamalyq jáne normatıvtik quqyqtyq aktilerge qajetti ózgertýlerdi ýaqytyly engizý arqyly zańnamalyq retteýge, qaldyqtardy basqarý júıesinde ekonomıkalyq yntalandyrý sharalaryn qabyldaý qajettiligine basa nazar aýdaryldy.
