QR Parlamenti Senaty Bıýrosynyń otyrysy ótti

Palata Tóraǵasy Q.Toqaev birqatar senatorlarǵa TMD Parlamentaralyq Assambleıasynyń nagradalaryn tabys etti. Atap aıtqanda, TMD PAA Keńesiniń sheshimimen Eleýsin Saǵyndyqov «Dostastyq» ordenimen, Hýsaın Valıev jáne Orynbaı Rahmanberdıev «Parlamenttik yntymaqtastyqty nyǵaıtqany úshin» medalimen marapattaldy.

Bıýro músheleri Palatanyń 27 naýryzda bolatyn otyrysynyń kún tártibin qarady. Otyrysta 2011 jylǵy 18 qazandaǵy Erkin saýda aımaǵy týraly shartty onyń taraptary men Ózbekstan Respýblıkasy arasynda qoldaný týraly hattamany ratıfıkatsııalaý týraly, zańnamaǵa áleýmettik qamsyzdandyrý máseleleri boıynsha ózgerister men tolyqtyrýlar engizý týraly (birinshi oqylym), «Qazaqstan Respýblıkasynyń Ulttyq qorynan 2014-2016 jyldarǵa arnalǵan kepildendirilgen transfert týraly» zańǵa ózgeris engizý týraly, «2014-2016 jyldarǵa arnalǵan respýblıkalyq bıýdjet týraly» zańǵa ózgerister men tolyqtyrýlar engizý týraly zań jobalaryn qaraý josparlandy.

Bıýroda Májiliste maquldanǵan zań jobalaryna Senattyń bas komıtetteri belgilendi. Áleýmettik-mádenı damý jáne ǵylym komıtetine zańnamaǵa áleýmettik qamsyzdandyrý máseleleri boıynsha ózgerister men tolyqtyrýlar engizý týraly zań jobasy berildi. «Qazaqstan Respýblıkasynyń Ulttyq qorynan 2014-2016 jyldarǵa arnalǵan kepildendirilgen transfert týraly» Zańǵa ózgeris engizý týraly zań jobasy Qarjy jáne bıýdjet komıtetine berildi. Osy komıtet «2014-2016 jyldarǵa arnalǵan respýblıkalyq bıýdjet týraly» zańǵa ózgerister men tolyqtyrýlar engizý týraly zań jobasyna da bas komıtet bolyp belgilendi. Ekonomıkalyq damý jáne kásipkerlik komıtetine 1928 jylǵy 22 qarashadaǵy Halyqaralyq kórmeler týraly konventsııany, oǵan 1948 jylǵy 10 mamyrdaǵy, 1966 jylǵy 16 qarashadaǵy, 1972 jylǵy 30 qarashadaǵy Hattamalardy jáne oǵan 1982 jylǵy 24 maýsymdaǵy jáne 1988 jylǵy 31 mamyrdaǵy Túzetýlerdi ratıfıkatsııalaý týraly, sondaı-aq 2008 jylǵy 12 jeltoqsandaǵy Tarıftik kvotalardy qoldanýdyń sharttary men tetigi týraly kelisimge ózgerister engizý týraly hattamany ratıfıkatsııalaý týraly zań jobalary berildi. Sondaı-aq 1999 jylǵy 3 jeltoqsanda, Pekınde qabyldanǵan Ozon qabatyn buzatyn zattar jónindegi Monreal hattamasyna túzetýdi ratıfıkatsııalaý týraly zań jobasyna Agrarlyq máseleler, tabıǵatty paıdalaný jáne aýyldyq aýmaqtardy damytý komıteti bas komıtet bolyp belgilendi. Bul komıtetke Qazaqstan men Qytaı arasyndaǵy Qorǵas ózeninde «Dostyq» birlesken sý torabyn salýdaǵy yntymaqtastyq týraly úkimetaralyq kelisimdi ratıfıkatsııalaý jónindegi zań jobasy da berildi. Qazaqstan Respýblıkasynyń Ákimshilik quqyq buzýshylyq týraly kodeksine ózgerister engizý týraly zań jobasy Konstıtýtsııalyq zańnama, sot júıesi jáne quqyq qorǵaý organdary komıtetine berildi.