QR Parlamenti Májilisiniń depýtaty Lıýdmıla Hochıeva mereıli jasqa toldy
ASTANA. Qarashanyń 30-y. QazAqparat /Aıdyn Báımen/ - Qarashanyń 28-i kúni Qazaqstan Respýblıkasy Parlamenti Májilisiniń depýtaty Lıýdmıla Hısaqyzy Hochıeva mereıli jasqa toldy.
Qazaqstan halqy Assambleıasynan saılanǵan Májilis depýtaty 1959 jyly qarashanyń 28-inde Jambyl oblysy, Qordaı aýdany, Sharbaqty aýylynda týǵan, dep habarlaıdy QazAqparat.
Qazaq halqynyń mádenıeti men ónerin, ulttyq salt-dástúrin júıeli damytý týraly Parlament minberinen paıymdy pikir aıtyp júrgen depýtattyń biri - Lıýdmıla Hochıeva. Ol Qyrǵyz memlekettik ulttyq ýnıversıtetin támamdap, ekonomıst mamandyǵyn alǵan. Eńbek jolyn Almaty oblysynyń Qaskeleń aýdany, Shamalǵan aýylynda qarapaıym jumysshydan bastaǵan.
Qarashaı-balqar mádenı ortalyǵynyń tóraıymy retinde elimizdegi az ulttar ókilderiniń salt-dástúri, mádenıeti men óneri, tili men ádebıetiniń damýyna úles qosyp júr. Qazaq pen balqar halyqtarynyń arasynda dostyq baılanystyń óristeı túsýi jolynda jáne jastardy ulttyq tárbıege baýlýda eńbek sińirip keledi.
Qazirgi ýaqytta Májilistiń Zańnama jáne sot-quqyqtyq reforma komıtetiniń múshesi retinde jemisti qyzmet etýde.
Elimizge sińirgen eńbegi úshin birneshe mereıtoılyq medaldarmen jáne «Qurmet» ordenimen marapattalǵan.
