QR Parlamenti Májilisiniń depýtattary Túrkistan oblysy jurtshylyǵymen kezdesti
TÚRKІSTAN. QazAqparat - Túrkistan oblysyna qarasty Otyrar aýdanyna QR Parlamenti Májilisiniń depýtattary, «Nur Otan» partııasy fraktsııasynyń músheleri N.Sabılıanov pen M.Erman, Sh.Ótemisov pen «Nur Otan» partııasy oblystyq fılıaly tóraǵasynyń birinshi orynbasary N.Joldasovtar bardy.
Birneshe kúnnen beri aımaqtaǵy turǵyndarmen júzdesken halyq qalaýlylary aýyldardaǵy jurttyń tynys- tirshiligimen tanysty, dep habarlaıdy QazAqparat tilshisi.
Depýtattar Otyrardaǵy Shilik, Qaraqońyr jáne Sháýildir aýyldyq okrýgteriniń turǵyndarymen kezdesip, arnaıy jıyn ótkizdi. Keleli basqosýda sóz alǵan halyq qalaýlylary Parlament qabyrǵasynda atqarylyp jatqan jumystardy baıandap, jańadan qabyldanyp jatqan zań jobalary jóninde turǵyndarǵa jan-jaqty túsinik berdi. Qoǵamdaǵy ózekti máseleler jóninde kópshilikpen pikir almasty.
Jıynǵa qatysýshylardyń usynys-pikirlerin tyńdap, olardy mazalaǵan problemalardy ózderiniń nazarynda ustaıtyndyqtaryn jetkizdi. Tuńǵysh Prezıdentimiz N.Á.Nazarbaevtyń «Nur Otan» HVIII sezinde aıtqan tapsyrmalary boıynsha turǵyndardy baspanamen qamtý, jalaqy men járdemaqyny ulǵaıtý, elimizdegi bilim, densaýlyq saqtaý salalaryn odan ári damytý, kópbalaly analarǵa áleýmettik qoldaý kórsetý, qoǵamdaǵy jumyssyzdyqty azaıtý máselelerine erekshe toqtalǵan halyq qalaýlylary, birlik bar jerde ǵana berekeli tirlik pen tolaǵaı tabys bolatyndyǵyn erekshe atap ótti.
Kezdesý jıynynda sondaı-aq, Elbasy N.Nazarbaevtyń bergen tapsyrmalarynyń aýdanda kezeń-kezeńimen oryndalyp jatqandyǵy jóninde aıtyldy.
Dál osyndaı kezdesý Keles aýdanynda da ótti. QR Parlament Májilisiniń depýtaty Baıdilda Jylqyshıev aýdan ákimdiginiń jeke quramymen Elbasynyń HVIII sezinde bergen tapsyrmalaryn talqylaý boıynsha jıyn ótkizdi.
Abaı aýylyndaǵy №13 kolledj jastarymen kezdesken halyq qalaýlysyn aýdan ákimi Aqmentaı Esbaev jáne kolledj basshylyǵy oqý ornynda atqarylyp jatqan jumystardyń barysymen tanystyrdy. Depýtat sondaı-aq, sapar barysynda Birtilek aýyldyq okrýginde ornalasqan «Keles Plast» JShS óndiristik alańyn aralap kórdi. Atalǵan kásiporynnyń jumysyna oń baǵasyn berip, kásipkerdiń jobalaryna aldaǵy ýaqytta qoldaý bildiretinin jetkizdi.
