QR Parlament Senatynyń depýtaty Ál-Farabı atyndaǵy QazUÝ ujymymen jáne stýdentterimen kezdesti
ALMATY. Qarashanyń 23-i. QazAqparat /Názıra Eleýhan/ - Búgin Almatyda Ó. Joldasbekov atyndaǵy Stýdentter saraıynda Qazaqstan Respýblıkasy Parlament Senatynyń depýtaty Tólegen Muhamedjanov Ál-Farabı atyndaǵy Qazaq ulttyq ýnıversıtetiniń ujymy jáne stýdentterimen kezdesti,
dep habarlaıdy QazAqparat.
Kezdesý barysynda depýtattyń sóılegen sóziniń negizgi bóligi Elbasy N.Á.Nazarbaevtyń atalmysh oqý ornynda tikeleı telejelide júrgizilgen «Qazaqstan daǵdarystan keıingi dúnıede: bolashaqqa ıntellektýaldyq sekiris» atty dárisin talqylaýǵa arnaldy.
«Men osyndaı kezdesýlerdi elimizdiń barlyq aımaqtarynda ótkizip turamyn. Aptanyń ár seısenbi kúnderi jastarmen kezdesý uıymdastyryp, jastardyń máselelerinen habardar bolyp otyramyn. Kóbine olardy oqý bitirgennen keıingi jumysqa ornalasý máseleleri qyzyqtyrady. Keńes ýaqyty kezinde túlekterdi arnaıy júıe boıynsha ár jerge jumysqa jiberetin, qazir ondaı baǵdarlama joq. Eńbek naryǵy erkin, biraq memleket ózine qajetti mamandardy qyzmetke ornalastyrý jaǵyn qarastyrýy qajet. Bul ózekti másele jańa jyldan keıin «dóńgelek ústel» májilisinde kóteriletin bolady», dedi T. Muhamedjanov.
Kezdesýde Tólegen Muhamedjanov jetekshi ýnıversıtettiń ǵalymdary men oqytýshylarynyń jáne stýdentterdiń suraqtaryna jaýap berdi.
Sonymen qatar, T.Muhamedjanov ózi týraly áńgimelep, birneshe shyǵarmasynan roıalda oınap berdi.
