QR paralımpıadashylary Ispanııadaǵy chempıonatta 9 altyn medalǵa qol jetkizdi
MADRID. QazAqparat - Madrıdte ótken júzýden Ispanııa ashyq chempıonatynda qazaqstandyq paralımpıadashylar 9 altyn, 6 kúmis jáne 4 qola medal jeńip aldy.
Bul týraly osy elden QazAqparat HAA-nyń tilshisi habarlaıdy.
«Basty maqsat Shotlandııanyń Glazgo qalasynda ótetin álem chempıonatyna jáne aldaǵy jyly Rıo-de-Janeıroda ótetin Paralımpıadalyq oıyndarǵa joldama alý», - deıdi ulttyq quramanyń aǵa jattyqtyrýshysy Natalıa Manohına.
Ol, sondaı-aq, búgingi tańda normatıvti oryndaǵan qos sportshymyzdyń bar ekendigin de aıtty. Olar - álemniń alty dúrkin rekordshysy Zýlfııa Gabıdýllına men Azııa Paralımpıadalyq oıyndarynda 5 ret altyn medaldy jeńip alǵan Anýar Ahmedovter.
