QR PÁ Basshysy orynbasarynyń tóraǵalyǵymen Quqyqtyq saıasat jónindegi keńestiń otyrysy ótti
ASTANA. 11 shilde. QazAqparat - Astanada 2013 jyldyń 10 shildesi kúni Qazaqstan Respýblıkasy Prezıdenti Ákimshiligi Basshysynyń orynbasary T.S. Donaqovtyń tóraǵalyǵymen Qazaqstan Respýblıkasy Prezıdentiniń janyndaǵy Quqyqtyq saıasat jónindegi keńestiń otyrysy bolyp ótti.
Bul týraly QR Prezıdenti Ákimshiliginiń Memlekettik quqyq bóliminen málim etti, dep jazady «Egemen Qazaqstan» gazeti.
Otyrysta QR Ákimshilik quqyq buzýshylyq týraly kodeksiniń jáne QR Qylmystyq atqarý kodeksiniń jańa redaktsııalary jobalarynyń negizgi qaǵıdalary qarastyryldy. Osy máseleler boıynsha Ádilet jáne Іshki ister mınıstrlikteriniń aqparaty tyńdaldy.
Quqyqtyq saıasat jónindegi keńes otyrysynyń usynymdary QR Ákimshilik quqyq buzýshylyq jáne Qylmystyq atqarý kodeksteriniń jobalaryn pysyqtaý barysynda eskeriletin bolady.
