QR PІB Medıtsına ortalyǵynyń dárigerleri eki kúnde 18 kúrdeli operatsııa jasady
QR Prezıdenti Іs Basqarmasynyń Medıtsına ortalyǵynyń tájirıbeli mamandary Jambyl oblysynda eki kún boıy neırohırýrgııa, onkologııa, gınekologııa jáne basqa salasynda konsýltatsııalar, prezentatsııalar men sheberlik sabaqtar ótkizip, 18 kúrdeli operatsııa jasady.
Bul týraly QazAqparat QR Prezıdenti Іs Basqarmasynyń baspasóz qyzmetine silteme jasap habarlaıdy.
Ótkizilgen is-sharalar barysynda ózekti máseleler talqylanyp, paıdaly daǵdylar aıtyldy, dıagnostıka men emdeýdiń jańa ádisteri talqylandy. Usynylǵan ádisterdiń keıbiri bul aımaqta buǵan deıin qoldanylmaǵan edi.
Elimizdik úzdik neırohırýrgteri Marat Sarshaev pen Mynjylqy Berdiqojaev Taraz qalalyq kópbeıindi aýrýhanasynda 40-dan astam patsıentterge keńes berip, operatsııalar jasady. Bul jumys tájirıbesi Jambyl óńirinde emdeýdiń jańa zamanaýı ádisterin engizýge eleýli úles qosatyny sózsiz. Qıyn aýrýdan zardap shegip kele jatqan patsıentterdiń oılamaǵan jerden úzdik dárigerdiń joǵary bilikti medıtsınalyq kómegin alýy - joldarynyń bolǵany deıdi oblys dárigerleri.
Sondaı-aq, QR Prezıdenti Іs basqarmasynyń Medıtsına ortalyǵy jáne Jambyl oblysynyń ákimdigi arasynda Ózara yntymaqtastyq týraly memorandýmǵa qol qoıý josparlanyp otyr.
«QR PІB Medıtsınalyq ortalyǵynyń kúnderi» - Jambyl oblysyndaǵy medıtsına sapasyn arttyrýǵa, óńirlik densaýlyq saqtaý júıesin damytýǵa, halyq úshin joǵary tehnologııalyq medıtsınalyq qyzmetterdiń qoljetimdiligin jaqsartýǵa baǵyttalǵan is-shara.
Osyǵan deıin Medıtsınalyq ortalyqtyń delegatsııasy Aqtóbe, Aqmola, Shyǵys Qazaqstan, Atyraý, Qostanaı oblystary jáne Shymkent qalasynda bolyp qaıtty. Osy formattaǵy is-sharalar bıyl elimizdiń basqa da óńirlerinde óz jalǵasyn tabady.