QR ózenderinde sý tasqyny jaǵdaıy jalǵasýda - 11 sáýirge arnalǵan aýa raıy boljamy
ASTANA. 10 sáýir. QazAqparat - Qazaqstan aýmaǵynyń deninde 11 sáýir kúni aýa raıy shýaqty, jaýyn-shashynsyz bolady dep kútilýde.
Respýblıkanyń batysynda atmosferalyq frontaldyq bólikterdiń ótýimen ótkinshi jańbyrlar jaýyp, naızaǵaı soǵady, uıytqyma jel turady, dep habarlady QR TJM-niń baspasóz qyzmeti Qazgıdrometke silteme jasap.
Soltústik Qazaqstan men Jambyl oblystarynyń keıbir jerlerine tuman túsedi, Jambyl oblysynyń keı aýmaqtarynda jeldiń kúshi sekýndyna 15-20 metrge deıin kúsheıedi.
Ońtústik Qazaqstan, Qyzylorda, kúndiz Aqtóbe oblystarynda keıbir jerlerde jel 15-21 m/s-ke deıin kúsheıip, shańdy daýyl bolýy yqtımal.
Mańǵystaý oblysynda keı óńirlerde naızaǵaı kúrkirep, tuman túsedi.
Batys Qazaqstan oblysynda jekelegen jerlerde 15-20 m/s-qa deıin jel turyp, túnde naızaǵaı kúrkireıdi.
Almaty oblysynyń Jalańashkól aýdanynda jeldiń ekpini sekýndyna 15-20 metrge deıin kúsheıedi.
Aldaǵy táýlikte Jaıyq (Oral qalasynyń aýdanynda), Esil, Tobyl, Ertis ózenderinde muz kóbesi odan ári sógilip, erı túsedi.
Semııarskoe aýyly aýdanyndaǵy Ertis ózeninde muzdyń keptelýinen sý deńgeıleri kóterilýi múmkin.
Jaıyq (BQO boıynsha) ózeninde, Batys Qazaqstan, Aqtóbe, Qostanaı, Aqtóbe, Soltústik Qazaqstan, Aqmola, Qaraǵandy oblystarynyń jekelegen ózenderinde tasqyndardyń kúsheıýi, sý deńgeıiniń kóterilýi kútiledi.
Qaltýǵan aýyly aýdanyndaǵy Qaltýǵan ózeninde tasqyndar men sý basýlardyń oryn alý múmkindigi zor.
Qaratomar sý qoımasynan sýdyń quıylý kólemi ulǵaıatyndyqtan Qostanaı qalasy aýdanyndaǵy Tobyl ózeninde sý deńgeıi kóterilýi múmkin.
ShQO ózenderinde muz erip, seń júrýi, sý deńgeıleriniń kóterilýi múmkin. Respýblıkanyń ońtústigi men ońtústik-shyǵysynda sý kóleminiń aýytqýy baıqalady.
