QR OSK Tóraǵasy: Saılaý protsesin baıqaýdy júzege asyratyn uıymdarmen yntymaqtastyq - bizdiń qyzmetimizdiń basym baǵyttarynyń biri

ASTANA. QazAqparat - Búgin QR Ortalyq saılaý komıssııasynyń tóraǵasy Qýandyq Turǵanqulov pen «Qazaqstandaǵy saılaýdy baqylaý jónindegi respýblıkalyq qoǵamdyq komıssııa» respýblıkalyq qoǵamdyq birlestiginiń (SBRQK) tóraǵasy Nurlan Erimbetov kezdesti.

QR OSK Tóraǵasy: Saılaý protsesin baıqaýdy júzege asyratyn uıymdarmen yntymaqtastyq - bizdiń qyzmetimizdiń basym baǵyttarynyń biri

ASTANA. QazAqparat - Búgin QR Ortalyq saılaý komıssııasynyń tóraǵasy Qýandyq Turǵanqulov «Qazaqstandaǵy saılaýdy baqylaý jónindegi respýblıkalyq qoǵamdyq komıssııa» respýblıkalyq qoǵamdyq birlestiginiń (SBRQK) tóraǵasy Nurlan Erimbetovpen kezdesti.

Ortalyq saılaý komıssııasynyń basshysy QR Parlamenti Májilisiniń jáne máslıhattarynyń depýtattaryn saılaýdy ótkizýge daıyndyq jónindegi OSK jumysymen tanystyrdy. «Saılaý protsesin baıqaýdy júzege asyratyn uıymdarmen yntymaqtastyq - saılaý naýqanynyń jarııaly ári ashyq ahýalyn qamtamasyz etý jónindegi Ortsaılaýkom qyzmeti baǵyttarynyń biri» - dep atap ótti Q.Turǵanqulov.

Óz kezeginde SBRQK tóraǵasy baıqaýshylardyń Ortsaılaýkom múshelerimen jáne saılaý organdarymen yntymaqtasýy tyǵyz ári paıdaly bolatynyna senim bildirdi. «Bizdiń qyzmetimiz saılaý protsesiniń aıqyndyǵyn, saılaýshylardyń óz qalaýyn erkin bildirýin, sondaı-aq saılaý naýqanyna barlyq qatysýshylar úshin teń jaǵdaıdy qamtamasyz etýge baǵyttalǵan» - dedi N.Erimbetov.

Q.Turǵanqulov OSK men qoǵamdyq birlestik arasynda ózara is-qımyl tájirıbesi bar ekendigin aıta kele: «SBRQK sarapshylarynyń zań buzýshylyqtar týraly bizdi jedel aqparattandyrýy mańyzdy. Ol bizge ýaqtyly áreket jasaýǵa, sondaı-aq aldaǵy ýaqytta olardy boldyrmaý sharalaryn pysyqtaýǵa múmkindik beredi», - dedi.

Kezdesýge sondaı-aq SBRQK Shtabynyń Basshysy A. Serikbaev jáne QR OSK múshesi M. Sársembaev qatysty.