QR OSK tóraǵasy Qýandyq Turǵanqulov Ázirbaıjan prezıdentin saılaý barysyn qadaǵalaýda

ASTANA. 9 qazan. QazAqparat - Ázirbaıjan Respýblıkasy Ortalyq saılaý komıssııasynyń tóraǵasy Mazahır Panahovtyń shaqyrýy boıynsha Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov 2013 jylǵy 9 qazanda ótip jatqan Ázirbaıjan prezıdentin saılaý barysyn qadaǵalaýda.

QR OSK tóraǵasy Baký qalasyndaǵy birqatar saılaý ýchaskelerin aralady. Sapar barysynda Q. Turǵanqulov Ázirbaıjan Respýblıkasyndaǵy Qazaqstan Respýblıkasynyń Tótenshe jáne Ókiletti elshisi Amangeldi Jumabaevpen birge Ázirbaıjan OSK tóraǵasy Mazahırom Panahovpen, sondaı-aq, TMD-dan kelgen qadaǵalaýshylar mindetin atqarýshylardan quralǵan jumys tobymen kezdesti.

Ázirbaıjandaǵy prezıdent saılaýyn Qazaqstan Respýblıkasynyń atynan EQYU, TMD jáne Túrkitildes memleketter yntymaqtastyǵy keńesiniń quramyna enetin 49 qysqamerzimdi jáne bir uzaqmerzimdi qadaǵalaýshy baqylaýda.