QR OSK taǵy 44 sheteldik baıqaýshyny akkredıttedi
ASTANA. QazAqparat - Búgin QR Ortalyq saılaý komıssııasynyń otyrysy ótip, onda kezekten tys prezıdent saılaýyna shet memleketter men halyqaralyq uıymdardan taǵy 44 baıqaýshy akkredıtteldi.
«QR Ortalyq saılaý komıssııasy qaýly etedi: QR Syrtqy ister mınıstrliginiń usynysymen Ortalyq saılaý komıssııasy 2015 jyldyń 26 sáýirine belgilengen kezekten tys prezıdenttik saılaýǵa usynylyp otyrǵan tizimge sáıkes shet memleketter men halyqaralyq uıymdardyń baıqaýshylaryn akkredıttesin. Onyń ishinde EQYU/ DIAQB baıqaýshylar mıssııasynan - 5, TMD baıqaýshylary mıssııasynan - 25, eki halyqaralyq uıymnan, atap aıtqanda, Túrki tildes elderdiń parlamenttik assambelıasy men Túrki tildes memleketter yntymaqtastyǵy keńesinen - 7, 4 shet memleketten - 7 baıqaýshy. Halyqaralyq uıymdar men shet memleketterden baıqaýshylarǵa sáıkesinshe kýálik berilsin», - dedi QR OSK múshesi Tatıana Ohlopkova.
QR OSK músheleri qaýly jobasyn maquldap, usynylǵan barlyq baııqaýshylardy akkredıttedi.
