QR OSK taǵy 146 sheteldik baıqaýshyny akkredıttedi
ASTANA. QazAqparat - Búgin QR Ortalyq saılaý komıssııasynyń otyrysy ótip, onda kezekten tys prezıdenttik saılaýǵa taǵy 146 sheteldik baıqaýshy akkredıtteldi.
QR OSK múshesi Tatıana Ohlopkovanyń aıtýynsha, saılaýdy baıqaý jónindegi 2 mıssııadan, 1 halyqaralyq uıym men 4 shet memleketten 146 baıqaýshy akkredıttelip otyr.
«Olardyń ishinde 79-y - Saılaýdy baıqaý jónindegi EQYU/DIAQB-nyń mıssııasynan, 39-y - TMD baıqaýshylary mıssııasynan, 3-eýi - Islam yntymaqtastyǵy uıymynan, sondaı-aq 18 baıqaýshy - AQSh, 3-eýi - Reseı Federatsııasynan jáne ekeýden - Ázerbaıjan Respýblıkasy men Ýkraınadan», - dedi ol.
