QR OSK: Saılaýdy barlyq qatysýshylardyń densaýlyǵyna qaýipsiz ótkizý – basty basymdyq
NUR-SULTAN. QazAqparat - Saılaýdy barlyq qatysýshylardyń densaýlyǵy úshin barynsha qaýipsiz jaǵdaıda ótkizý – basty basymdyq. Bul týraly QR Ortalyq saılaý komıssııasynyń tóraǵasy Berik Imashev aıtty, dep habarlaıdy QazAqparat tilshisi.
«Saılaý protsesiniń zańdylyǵy men jarııalylyǵyn qamtamasyz etýmen qatar, saılaýdy barlyq qatysýshylardyń densaýlyǵy úshin barynsha qaýipsiz jaǵdaıda ótkizý – saılaý komıssııalary úshin basty basymdyq», - dep atap ótti Berik Imashev komıssııanyń onlaın rejımdegi otyrysynda.
QR Ortalyq saılaý komıssııasynyń Senat depýtattarynyń saılaýyna baılanysty otyrysynan keıin OSK músheleri BAQ suraqtaryna jaýap berdi.
Sondaı-aq brıfıng barysynda Ortalyq saılaý komıssııasynyń baspasóz ortalyǵy karantın jáne qaýipsizdik sharalaryn saqtaý qajettiligi jaǵdaıynda onlaın rejıminde jumys isteıtindigi aıtyldy. Barlyq kommýnıkatsııalar tehnıkalyq baılanys quraldary arqyly júzege asyrylady.
