QR OSK saılaý naýqanyna oraı BAQ materıaldaryna júrgizilgen monıtorıgtiń aralyq qorytyndysyn jarııalady
Saılaý týraly zańnyń 28-baby 2-tarmaǵyn qamtamasyz etý maqsatynda Ortalyq saılaý komıssııasy QR Investıtsııalar jáne damý mınıstrliginiń Baılanys, aqparattandyrý jáne aqparat komıtetimen birlesip kúndelikti buqaralyq aqparat quraldarynyń aǵymdaǵy saılaý naýqanyna qatysty materıaldaryna monıtorıng júrgizip otyr. Monıtorıng 48 respýblıkalyq gazetti, 15 jýrnaldy, 16 respýblıkalyq telearnany, 12 radıoarnany, 174 óńirlik gazetti, 31 óńirlik telearnany, sondaı-aq 162 neǵurlym tanymal qoǵamdyq-saıası ınternet-resýrsty qamtıdy», - dedi L.Súleımen.
Onyń atap ótýinshe, 20 qańtardan bastap 19 aqpanǵa deıingi kezeńde buqaralyq aqparat quraldarynda jalpy saılaý taqyryby boıynsha, sondaı-aq partııalar men partııalyq tizimderden kandıdattardyń saılaý turǵysyndaǵy qyzmetine qatysty 13898 materıal jarııalandy. Olardyń ishinde respýblıkalyq telearnalardyń efırinde 3 757 sıýjet, respýblıkalyq merzimdi basylymdarda - 1 154 jarııalanym, óńirlik BAQ-tarda - 3 924 materıal, ınternet-resýrstarda - 5063 materıal ornalastyrylǵan. Áleýmettik medıalarda - 1441 mazmundy jazylym jarııalanǵan.
«Úgit naýqany bastalǵan 20 aqpannan bastap 2 naýryzǵa deıin BAQ-ta saılaý taqyryby boıynsha 4340 materıal jarııalandy. Olardyń ishinde 3271 materıal respýblıkalyq jáne 1069 - óńirlik BAQ-ta jaryq kórdi», - dedi QR OSK múshesi.
L.Súleımen alǵa tartqan monıtorıng derekterine sáıkes, úgit naýqany bastalǵannan BAQ-ta 772 aqparattyq materıal «Nur Otan» partııasynyń qyzmeti týraly, 526 materıal QKHP-nyń qyzmeti týraly, 559 materıal «Aq jol» QDP-nyń qyzmeti týraly, 499 materıal «Birlik» SP-nyń qyzmeti týraly, 485 materıal JSDP-nyń qyzmeti týraly, 513 materıal «Aýyl» HDPP-nyń qyzmeti týraly jarııalandy.
