QR OSK saıası partııalarǵa zańda kepildik berilgen BAQ-qa teń qol jetkizý quqyǵyn qamtamasyz etti - Q.Turǵanqulov

ASTANA. QazAqparat - QR Ortalyq saılaý komıssııasy saıası partııalarǵa zańda kepildik berilgen BAQ-qa teń qol jetkizý quqyǵyn qamtamasyz ete aldy. Búgin Ózbekstan Respýblıkasy Ortalyq saılaý komıssııasynyń tóraǵasy Mırza-Ulyqbek Abdýsalomovpen kezdesken QR Ortalyq saılaý komıssııasynyń Tóraǵasy Qýandyq Turǵanqulov osylaı dedi.

Ol ózbekstandyq áriptesine Qazaqstan Respýblıkasy Parlamenti Májilisiniń depýtattaryn jáne máslıhattarynyń depýtattaryn saılaý jónindegi naýqan barysy týraly aqparat usyndy.
«Saılaý naýqany «tikeleı márege» shyqty. Búgin úgit kezeńi aıaqtalady, erteń «tynyshtyq kúni». Buqaralyq aqparat quraldaryna júrgizilgen, sonymen qatar halyqaralyq baıqaýshylar Mıssııalary da júrgizetin monıtorıng qorytyndylary OSK saıası partııalarǵa zańda kepildik berilgen BAQ-qa teń qol jetkizý quqyǵyn qamtamasyz ete alǵanyn kórsetti», - dedi Q. Turǵanqulov.
M.Abdýsalomov myrza áńgime barysynda Qazaqstan Respýblıkasynyń Ortalyq saılaý komıssııasy úlken uıymdastyrýshylyq jumys istegenin atap ótti.
«Saılaý naýqanynyń barlyq kezeńderin óte jaqsy aqparattyq qamtamasyz etý elektorattyq protsestiń transparenttigin arttyrýǵa sebeptesedi jáne zańnama normalaryn qatań saqtaı otyryp, saılaýdy joǵary demokratııalyq deńgeıde ótkizýge múmkindik beredi», - dedi ol.
Sonymen qatar, ol aǵymdaǵy saılaý naýqanynyń aıaqtalýynda jáne qorytyndylarynyń shyǵarýda tabys tiledi.
Kezdesý sońynda Q.Turǵanqulov eki eldiń elektorattyq protsesteriniń damýy týraly tájirıbemen jáne aqparatpen almasý maqsatynda aldaǵy ýaqyttaǵy ózara qarym-qatynasqa senim bildirdi.
Kezdesýge sondaı-aq, Ózbekstan Respýblıkasy Ortalyq saılaý komıssııasy Baspasóz qyzmetiniń basshysy N.Nýrmatov, Ózbekstan Respýblıkasy Olıı Majılısiniń Zań shyǵarýshy palatasynyń múshesi O.Djýmaev, sondaı-aq Qazaqstan Respýblıkasy Ortalyq saılaý komıssııasynyń múshesi T.Ohlopkova qatysty.